1Ena qai lomani ira tale na nona tamata ko Jiova ka digitaki ira me ra nona. Sa na vakalesui ira mai ki na nodra vanua o koya; era na qai lako mai vei ira na kai veimatanitu tani ka mai tiko kei ira.
2Ena levu na matanitu era na vukei ira na Isireli me ra lesu mai ki na vanua e a solia vei ira ko Jiova. Era na qai mai qaravi ira na Isireli ena nodra vanua na kai veimatanitu tani. O ira era a vakabobulataki ira mada na Isireli ena dua na gauna era na qai vakabobulataki mai vei ira na Isireli, ka ra na qai lewai ira na tamata era a vakararawataki ira o ira na Isireli.
O Tui Papiloni ena Nodra Vuravura na Mate3Ena vakacegui ira na Isireli mai na nodra mosi kei na rarawa ko Jiova, ka vakakina mai na cakacaka kaukauwa era a vakabobulataki kina me ra cakava.
4Mo ni qai taurivaka na vosavosa oqo vua na tui Papiloni ka kaya:
“Sa qai oti vakadua vua na tui,
O koya na dauveivakararawataki!
Sa mudu vakadua sara
Na nona dau veivakalolomataki!
5Sa qai muduka ko Jiova
Na nodra kaukauwa na dauveiliutaki ca.
6O koya sa dauvakararawataki ira na tamata ena cudru,
Ka sa sega ni mudu ni vakararawataki ira,
Na veimatanitu sa dau vakadrukai.
7Ia oqo, sa qai marau tu na vuravura,
Ena vakacegu kei na sautu;
Ka ra laga sere na tamata kecega ena marau.
8Era sa marau na kau paini kei na sitari ni Lepanoni,
Ni sa takali yani o koya,
Ka sa sega e dua me vakabalei ira sobu.
9Sa vakarau tu na nodra vanua na mate,
Me tavaka na tui Papiloni.
Sa vakayadrati ira na i liuliu e vuravura
Era sa mate sara e liu me ra tavaki iko
Sa vakaduri ira mai na nodra i dabedabe vakatui,
Na tui kecega mai na veiyasa i vuravura.
10Era na vosa kece ka kaya mai vei iko
‘O sa yaco talega mo malumalumu vakataki keimami!
O sa yaco mo vakataki keimami!
11O a dau vakalagilagi ena domo ni api
Ia oqo o sa tu ena nodra vanua na mate.
Era sa nomu i davodavo na yavato
O sa qai tutuvi ena ulo.’ ”
12 Vtaki 8.10; 9.1 O sa lutu mai vakacava mai lomalagi
Na Kalokalo i Volasiga?
O iko na dauvakadrukai ira na veimatanitu,
O sa lauta sobu vakacava ki na qele?
13 Maciu 11.23; Luke 10.15 O a kaya e lomamu.
“Au na kaba cake ki lomalagi,
Me'u cecere cake vei ira na kalokalo ni Kalou.
Au na la'ki biuta na noqu i dabedabe ena vanua cecere
Ka'u na la'ki dabe ena ulunivanua
Era dausoqo kina na kalou mai na vualiku.
14Au na cabe cake me sivia na kedra cecere na o,
Ka'u na cakava me'u vakataki koya sa cecere sara.”
15Ia o sa qai kau sobu mai ki na nodra vanua na mate,
Ki na boto ni bulubulu.
16O ira era raici iko era na wanonovi iko, ka vakananumi iko.
Era na kaya,
“Sa i koya li oqo na tamata e a vakarusa na veikoro
17Ka vukica na vuravura me vanua dravuisiga,
Ka sega ni sereki ira na kaivesu me ra dui lako?”
18O ira kece na tui ni veimatanitu
Era sa dui davo sobu ena kedra i bulubulu ena lagilagi.
19Ia sa sega ga na nomu i bulubulu
Ka sa viritaki laivi na yagomu sa mate me vuca.
Sa ubia na yagodra mate na matasotia
Ka viritaki vata kei ira ki na dua na qara vatu,
Me vaka na yago ni mate sa butuki sobu.
20O na sega ni bulu me vakai ira na tui,
baleta ni o sa vakarusa na nomu vanua
ka vakamatei ira na nomu tamata.
Ena sega tale ni dua na nomu kawa i valavala ca ena bula.
21Vakarautaka na nodra vakamatei na luvena tagane
ena vuku ni nodra ca na nodra qase.
Ena sega na nona kawa me veiliutaki ena vuravura
se tara kina na veikoro lelevu.”
Na Kalou ena Vakarusai Papiloni22A sa kaya ko Jiova ni lewevuqa, “Au na valuti Papiloni ka vakarusa. Au na sega tale ni vakavoca e dua na ka, ena sega tale ni vo e dua na gone se dua na ka.
23Au na vukici Papiloni me vanua lolobo ka me nodra vanua na lulu. Au na taviraki Papiloni ena dua na sasa ni veivakaleqai me na taviraki kina na veika kecega.”
Na Kalou ena Vakarusai Ira na Asiria24 Aisea 10.5-34; Neumi 1.1—3.19; Sefa 2.13-15 A sa vosa bubului ko Jiova ka kaya,
“Ena yaco na veika au sa nanuma,
Ka na vakayacori na veika au sa nakita.
25Au na vakarusai Asiria ena noqu vanua,
Ka butuki ira sobu ena noqu ulunivanua.
Au na vagalalataki ira noqu tamata mai na nodra i tavi
Vei ira na kai Asiria
Kei na i colacola me ra colata.
26Sa i koya oqo na noqu i tuvatuva me baleti vuravura,
Ka sa dodo yani na ligaqu me totogitaki ira na veimatanitu.”
27Sa nakita ko Jiova me cakava na ka oqo;
A sa dodoka yani na ligana me veitotogitaki,
Ka na sega ni dua me na tarovi koya rawa.
Na Kalou ena Vakarusai Ira na Filisitia28 2Tui 16.20; 2Vei 28.27 Ena yabaki a mate kina o Easi na tui
A vakaraitaki mai kina na i tukutuku oqo mai vua na Kalou.
29 Jere 47.1-7; Isi 25.15-17; Joeli 3.4-8; Emo 1.6-8; Sefa 2.4-7; Saka 9.5-7 Ni kakua ni marau na kai Filisitia,
Ni sa kamusu na kuita o ni kuita kina.
Ni na mate e dua na gata,
Ena lako tale mai e dua e ca cake sara,
Ka na luvena e dua na drakoni.
30Ia era na vakania na nodra manumanu
Na tamata dravudravua ena noqu veico,
Ka ra na davo na vakaloloma ena vakacegu.
Ia au na vakarusai ira na kai Filisitia ena dausiga,
Ka sega ni vakabula e dua vei kemuni.
31Ena rogo na qolou ena matamata ni koro,
Kei na tagi ni veivukei ena loma ni koro.
Ni sa lako mai na meca vakaitamera mai na vualiku.
32Na cava me na tukuni vei ira na mata mai Filisitia?
Me da mai tukuna vei ira
Ni sa tauyavutaki Saioni ko Jiova,
Ka ra na taqomaki kina na nona tamata
Era sa vakararawataki.
Who We AreWhat We EelieveWhat We Do
2025 by iamachristian.org,Inc All rights reserved.
