JOELI Na i Vakamacala Taumada - Ai Vola Tabu Ena Vakavakadewa Vou（FNV）

Na i Vakamacala TaumadaNa yaca Joeli e vakayagataki vakararaba ena Veiyalayalati Makawa ka kena i balebale, “Sa Kalou ko Jiova”. E sega sara ni levu na ka e kilai rawa me baleta na parofita o Joeli, ka sega talega ni matata vinaka na gauna e bula voli kina. Ia e vakabauti ni a basika na i vola oqo ena i kalima se i kava ni drau na yabaki ni bera ni sucu na Karisito ka donumaka na gauna ni veiliutaki nei tui Perisia e vuravura. A sa vakamacalataka o Joeli na yaco mai ni qele ni vodre vakaitamera kei na vakacaca ni lauqa se dravuisiga mai na vanua vaka-Palesitaina. Mai na veika sa yaco oqo, a sa raica kina na parofita o Joeli na i vakatakilakila ni siga ena lesu tale mai kina na Turaga, e dua na gauna era na totogitaki kina mai vua na Turaga o ira era dau saqata na nona lewa dodonu. Sa kacivaka yani na parofita na nona i tukutuku na Turaga vei ira na tamata me ra veivutuni, ka vakaraitaka talega nona vosa ni yalayala ni veivakacokotaki tale kei na veivakalougatataki. E dua na tikina taleitaki ena i vola oqo sai koya na vosa ni yalayala ni Kalou ni na sovaraka na nona Yalo Tabu vei ira na tamata kecega, vei ira na tagane kei na yalewa, ka vakakina vei ira na gone kei na qase.Na Lewe ni VolaNa qele ni vodre vakaitamera 1.1—2.17

Na yalayala ni veivakacokotaki tale 2.18-27

Na siga ni Turaga 2.28—3.21