1Au sa vakacaucautaki kemuni Jiova
baleta ni o ni a vakabulai au,
Ka tarovi ira na kequ meca me ra marau ena vukuqu.
2Au a tagica na nomuni veivuke na Turaga na noqu Kalou,
O ni a qai vakabulai au.
3O ni sa la'ki vakasukai au lesu mai na nodra vanua na mate.
Au a sa wili vata kei ira era lako sobu ki bulu,
Ia o ni sa qai maroroya na noqu bula.
4Ni laga sere ni vakacaucautaki Jiova
oi kemuni na nona tamata yalodina.
Ni nanuma mada na ka sa cakava na Le Dua Yalosavasava
ka vakavinavinaka vua.
5Na nona cudru sa dau oti ga ena dua na gauna lekaleka
Na nona vinaka sa dau taura na gauna ni bula taucoko.
Ena rawa ni ia tiko na tagi ena bogi
Ia, sa basika ga na reki ena kida ni mataka.
6Au vakila ni'u sa vagalalataki,
“Au na sega ni rawa ni vakadrukai.”
7O ni sa rui vinaka vei au Jiova
O ni sa taqomaki au me vaka e dua na bai ulunivanua.
Ia ni o ni vunitaki kemuni vei au
Au sa sinai ena rere.
8Au a masu vei Jiova
Ka'u a kerea na nomuni veivuke.
9A cava na kena yaga na noqu mate?
A cava na kena yaga na noqu lako sobu ki na i bulubulu?
E rawa li me ra vakacaucautaki kemuni na mate?
E rawa li me ra na tukuna na nomuni loloma tudei?
10Ni rogoci au, i Jiova, ka yalololoma vei au!
Kemuni Jiova, ni vukei au mai!
11O ni sa vukica na noqu rarawa me meke ni marau.
O ni sa kauta tani na noqu i sulu ni vakaloloku
Ka solia vei au na i sulu ni marau.
12Sa i koya oqo au sa na sega ni galu kina;
Au na laga sere ni vakacaucautaki kemuni.
I Jiova, na noqu Kalou,
Au na vakavinavinaka tikoga vei kemuni ka sega ni mudu.
Who We AreWhat We EelieveWhat We Do
2025 by iamachristian.org,Inc All rights reserved.
