1Ni vakacaucautaka na Kalou ena kaila ni marau, na tamata kecega!
2Ni seretaka na lagilagi ni yacana,
Ni cabora vua na vakacaucau sa veivakalagilagi!
3Ni kaya vua na Kalou,
“Sa veivakurabuitaki dina na veika o ni cakava!
Sa levu na nomuni kaukauwa,
Ka ra sa cuva kina ena rere na kemuni meca e matamuni.
4Era sa qaravi kemuni na lewe i vuravura kecega;
Era vakacaucautaka na yacamuni.”
5Ni lako mai mo ni raica na ka sa cakava na Kalou,
Na nona cakacaka mana ena kedra maliwa na tamata.
6 Lako 14.21; Jeme 3.14-17 Sa vukica na wasawasa me vanua mamaca;
A ra sa lako kosova na uciwai na neimami qase ena yavadra.
Keimami a marau e kea ena vuku ni ka sa cakava na Turaga.
7Sa lewa tikoga o koya ena ligana qaqa ka sega ni mudu,
Ka sa dikeva tiko na matana na veimatanitu.
Me kakua ni dua na dauveisaqasaqa me saqati koya.
8Ni vakacaucautaka na noda Kalou na veimatanitu kecega;
Ni cakava me rogoci na nomuni veivakacaucautaki.
9Sa taqomaka tiko na noda bula
Ka sega ni laivi keda me da bale.
10O ni sa vakatovolei keimami, na Kalou,
Me vaka na siliva sa vakasavasavataki ena bukawaqa,
11O ni sa soli keimami me keimami coko ena dai
Ka vakacolata na i colacola bibi ena domo i keimami.
12O ni sa laivi ira na keimami meca me ra butulaki keimami;
Keimami a lakova na loma ni bukawaqa kei na waluvu,
Ka o ni sa qai kauti keimami mai oqo ki na dua na vanua vinaka.
13Au na kauta mai eso na i soro kama ki na nomuni vale;
Au na vakacabora vei kemuni na ka au sa yalataka.
14Au na solia vei kemuni na ka au sa kaya
Me'u na solia ena gauna au a leqa tu kina.
15Au na vakacabora na sipi me vakamai ena i cabocabonisoro;
Ka na tu e kea na i boi ni manumanu tavu;
Au na vakacabora na bulumakau kei na me.
16Ni lako mai mo ni rogoca, oi kemuni sa rerevaka na Kalou,
Ka'u na tukuna vei kemuni na veika sa cakava vei au o koya.
17Au a masu vua me vukei au;
Au sa vakarau tu me'u vakacaucautaki koya ena sere.
18Kevaka au a goleva e lomaqu na i valavala ca
Ena sega ni rogoci au na Turaga.
19Ia, sa rogoci au dina na Kalou;
A sa rogoca na noqu masu.
20Au sa vakavinavinaka ga vua na Kalou,
Ni sa sega ni cata na noqu masu o koya
se yalana na nona loloma tudei vei au.
Who We AreWhat We EelieveWhat We Do
2025 by iamachristian.org,Inc All rights reserved.
