LAKO YANI 3 - Ai Vola Tabu Ena Vakavakadewa Vou（FNV）

Sa Kacivi Mosese na Kalou

1A sa dau vakatawani ira voli na sipi nei vugona o Jacoro na bete mai Mitiani o Mosese. Ena dua na siga, sa qai kauti ira yani na sipi ki na taudaku ni vanua lala me yaco sara i Saineai, na ulunivanua tabu.

2A sa rairai vua mai kea na agilosi i Jiova ena yameyame ni buka sa caudre tiko mai na loma ni vunikau. E a raica rawa o Mosese ni sa caudre tu na vunikau, ia sa sega ga ni kama na vunikau.

14A sa kaya na Kalou vei Mosese, “Oi au sai au ga. Oqori na ka mo tukuna vei ira: O koya sa vakatokai o ‘OI AU’ sa talai au yani vei kemuni.”Vtaki 1.4,8

15A sa kaya tale vei Mosese na Kalou, “Mo tukuna vakaoqo vei ira na Isireli, ‘Ko Jiova, na nodra Kalou na nomuni qase, na Kalou i Epara-ama, na Kalou i Aisake kei na Kalou i Jekope sa talai au mai vei kemuni; sai koya oqo na yacaqu ka tawa mudu, ka sai koya oqo na noqu i tutu ena veitabatamata kecega.

16Mo lako ka vakasoqoni ira vata na qase e Isireli, ka tukuna vei ira ni o au, ko Jiova, na Kalou ni nomuni qase, na Kalou i Epara-ama, Aisake, kei Jekope, sa rairai mai vei au ka kaya, “Au sa rogoca na nomuni tagi kei na veika sa vakayacori vei kemuni mai Ijipita.

17Au sa vakadeitaka oqo ni'u na kauti kemuni tani mai na veivakararawataki e Ijipita, ki na nodra vanua na kai Kenani, na Itaiti, na Amoraiti, na Perisaiti, na Aivaiti, kei na Jepusaiti, na vanua sa dave kina na sucu kei na oni.

18“Era na rogoca na domomu, mo lako vata kei ira na qase ni Isireli vua na tui Ijipita ka kaya, ‘Ko Jiova, na nodra Kalou na Iperiu sa vakatakilai koya vei keimami; mo ni laivi keimami me keimami lako ki na vanua lala ka la'ki vakacaboisoro vua me tolu na siga.’

19Ia au sa kila ni o tui Ijipita ena sega ni laivi kemuni mo ni lako, vakavo ga kevaka ena qai vakasaurarataki ena dua na liga kaukauwa.

20Ia ka'u na dodoka na ligaqu ka ravuti Ijipita ena cakacaka vakadomobula e veivakurabuitaki ka'u na vakayacora kina, ni oti oqo ena qai laivi kemuni o koya.

21“Ia ka'u na cakava me ra taleitaki kemuni o ira na kai Ijipita; ni kemuni sa na lako, o ni na sega ni lako liga lala.Lako 12.35-36

22Ia o ira yadua na yalewa ni Isireli me ra kerea mai vei ira na i tokani yalewa ni Ijipita na i sulu, na koula, kei na i ukuuku talei sa buli mai na siliva. Era na daramaka na veika oqo o ira na Isireli vei ira na luvedra tagane kei na yalewa, ka kauta yani na nodra i yau na kai Ijipita.”