JOPE 3 - Ai Vola Tabu Ena Vakavakadewa Vou（FNV）

Vakatekivu me Vosa o Jope

1

9Ni tabonaka tani mada; na kalokalo i vola siga;

Ka me kakua ni nuitaka na bogi o ya ni na kida mai na mataka.

10Ni rulaka na bogi o ya ena nona vakalaiva me'u sucu mai;

Ni'u a mai sotava tu oqo na rarawa kei na leqa.

11Isa, o au me'u a sa mate ga ena kete i tinaqu,

Se ni'u a sa qai tau sara ga kina ki vuravura.

12A cava beka e a roqoti au dabedabe toka kina o tinaqu?

Ka cava na vu ni nona a vakani au toka ena sucuna?

13Ke'u a sa mate sara ga ena gauna o ya,

Ke'u sa vakacegu koto ena gauna oqo,

14Ka moce lutu koto me vakataki ira na tui kei na turaga

Era a tara na veivale vakatui ni gauna makawa.

15Ke'u a moce koto beka me vakataki ira na luvenitui

Ka bini tu ena nodra veivale na koula kei na siliva,

16Se moce koto me vakataki ira na gone sucu mate.

17Ni ra sa koto ena i bulubulu na tamata ca,

Sa qai mudu na nodra dau caka ca;

Ka ra cegu na tamata cakacaka mai na nodra oca kecega.

18O ira talega na kaivesu,

Era a la'ki tiko kina ena vakacegu;

Na rogo vosa karakara, a la'ki mudu vakadua

Vata kei na i vakaro a dau rogo kaukauwa.

19Era a la'ki tiko kecega mai kea,

O ira na rogo kei ira na lolovira;

Ka ra a qai galala tu vakadua

Ka tamata dau tu vakabobula.

20A cava na vuna era biu tu ga kina na tamata

Ena bula e rui vakaloloma sara?

Se cava na vuna e soli tiko kina na rarama

Vei ira era sa rarawa voli ga?

21 Vtaki 9.6 Era waraki mate tiko, ia e sega ni bau yaco;

Sa vinaka cake vei ira na i bulubulu, ka ca na i lavo.

22Era a sega ni marau rawa ka yacova ni ra mate, ka buluti;

23Na nodra gauna e muri e vunia sara ga na Kalou,

Ka vakalatia na nodra sala ena veiyasana kece sara.

24Au a vakaloloku, ka'u sa bese ni kana,

Ia na noqu vutugu sa sega ni mudu rawa,

25Me baleta ni sa qai yaco dina sara

Na ka au a domobula kina ka dau rerevaka.

26Au a sega ni tiko vinaka,

Na vakacegu, sa yawa kalia sara;

Ia na noqu leqa a sega ni mudu rawa.