2 TUI 5 - Ai Vola Tabu Ena Vakavakadewa Vou（FNV）

Vakabulai Mai na Vukavuka o Nemani

1O Nemani, na turaganivalu ni mataivalu ni Siria, a sa dokai vakalevu mai vua na tui Siria, baleta ni a solia ko Jiova na qaqa vei Siria ena vukuna. A sa dua na sotia qaqa o koya, ia sa tauvi koya na vukavuka. Ia mo ni vakasamataka mada, ka raica, ni sa via vakatubu veivala vei au o koya.”

8Ia ni rogoca o Ilaisa na tamata ni Kalou, ni a dresulaka na nona i sulu na tui Isireli, a talatala vua na tui, ka kaya, A cava o dresulaka kina na nomu i sulu? Me lako mada mai vei au o Nemani, me kila kina ni sa tiko e dua na parofita e Isireli.

9A lako mai o Nemani kei ira na nona ose, kei na nona qiqi vakaturaga, a sa tu e katuba ni vale i Ilaisa.

10A sa tala o Ilaisa e dua na i talai ki tautuba me tukuna vua me la'ki sili vakavitu ena Joritani, ka na qai vakabulai vakadua mai na nona vukavuka.

11A sa cudru o Nemani, ka lako tani, ka kaya, Raica, au a nanuma ga ni na lako dina mai vei au o koya, ka mai tu, ka masuta na yaca i Jiova na nona Kalou, ka yalovaka na ligana ki cake ka vakabula na noqu vukavuka.

12E sega li ni vinaka cake o Epana kei Paripari, na uciwai e rua mai Tamasiko mai na wai kecega ni Isireli? Me'u kakua li ni sili kina, ka savasava mai? A sa vuki ga o koya ka lako vakacudrucudru yani.

13Era a toso volekati Nemani yani o ira na nona dauveiqaravi ka kaya vua, “I'saka, kevaka sa vakarota vei kemuni e dua na ka dredre na parofita, o ni sa rawa ga ni vakayacora. Ia e vakaevei mo ni la'ki vakasavasavataki kemuni ga, me vaka sa vakarota o koya, ka mo ni vakabulai kina?’

14A sa qai lako sobu o Nemani ki na Joritani ka toni vakavitu ena loma ni wai, me vaka na vosa i Ilaisa na tamata ni Kalou, ka sa vakabulai. A sa savasava tale ni sa yaco me kaukauwa ka bulabula na lewena, me vaka na lewe ni gone lailai.

15A sa qai lesu tale o Nemani vua na tamata ni Kalou kei ira kece na nona tamata, a la'ki tucake tu e matana, ka kaya, “Raica, au sa qai kila tu oqo ni sa sega ni dua tale na Kalou e vuravura taucoko, io, e Isireli duadua ga; ia oqo, mo taura mada e dua na i loloma mai vei au na nomuni tamata.”

16A sa kaya o koya, “Me vaka sa bula ko Jiova, o koya ka'u sa qarava, au na sega ni taura e dua na i loloma.”

A sa cikevi koya vagumatua o Nemani me taura; a bese na tamata ni Kalou.

17A sa kaya o Nemani, “Ia kevaka o sega ni via taura, mo solia mada vei au na nomu tamata eso na qele me keitou kauta, me rauta ni rau colata e rua na meule, me vaka ni'u na sega ni vakacabora tale e dua na i soro kama, se e dua na i madrali, vei ira na kalou tani, vei Jiova duadua ga.

18Me kakua ni cudruvi au na nomu tamata ko Jiova ena vuku ni ka oqo, ni dau curu na noqu turaga ki na burekalou i Rimoni, me soro kina, au dau sala vata kaya, ka cuva ena burekalou i Rimoni, me vosoti au ko Jiova ena vuku ni ka oqo.”

19A sa kaya vua o Ilaisa, “Mo lako yani ena vakacegu.” A sa lesu tale yani o koya.

Na Koco ni Loma i Keasi

20Ia ni sega soti ni yawa na vanua a lakova o Nemani, a kaya o Keasi na cauravou i Ilaisa na tamata ni Kalou, Raica, sa lomani Nemani na kai Siria na noqu turaga, ena nona sega ni taura mai vua na ka a kauta mai. Me vaka sa bula ko Jiova, au na cici muri koya, ka kauta mai vua eso na ka.

21A cici muri Nemani o Keasi. Ia ni sa raica o Nemani ni sa cici muri koya tiko e dua na tamata, a sobu mai na nona qiqi vakaturaga me la'ki tavaki koya, a kaya, “E dua li na leqa?”

22A sa kaya o koya, “E sega saka, ia sa talai au mai na noqu turaga, ka kaya, ‘Raica, e rau sa qai lako wale ga yani vei au e rua na cauravou mai vei ira na luvedra na parofita mai na vanua veiulunivanua o Ifereimi, au kerei kemuni mo ni solia mada mai e 3,000 na tiki ni siliva kei na rua na i sulu ni veisau.’ ”

23A sa kaya o Nemani, “Sa vinaka, mo kauta yani e 6,000 na tiki ni siliva.” A sa cikevi koya matua, ka vauca vua na siliva ena rua na taga, kei na rua na i sulu ni veisau vei rau na nona tamata, ka vakatalai rau me rau colata tiko e liu vei Keasi.

24Ia ni sa yaco ki na delana, a sa taura tani mai vei rau na taga ka biuta e loma ni vale, ka vakatalai rau lesu na tamata i Nemani.

25A sa la'ki tucake tu ena mata ni nona turaga. A qai tarogi Keasi o Ilaisa, “O a tu mai vei, Keasi?”

A sa kaya o koya, “E sega saka ni lako ki na dua na vanua na nomuni tamata.”

26A sa kaya tale vua o Ilaisa, “A sega li ni lako vata kei iko na yaloqu ena gauna e sobu mai kina o koya mai na nona qiqi vakaturaga me tavaki iko? Sa kena gauna li oqo mo taura kina na i lavo kei na i sulu, na veiolive kei na loganivaini, na sipi kei na bulumakau, na tamata kei ira na vada?

27Ia oqo, ena kabiti iko na vukavuka i Nemani kei ira na nomu kawa ka tawa mudu!”

Ni sa lako tani kina o Keasi, a sa tauvi koya na vukavuka, sa vaka na uca vulavula.