1 VEIGAUNA 7 - Ai Vola Tabu Ena Vakavakadewa Vou（FNV）

Na Kawa i Isakari

1E ratou sa lewe va na luve i Isakari tagane: o Tola, o Pua, o Jasupi kei Simironi.

2E ratou sa lewe ono na luve i Tola tagane: o Usai, o Rifaia, o Jirieli, o Jamei, o Ipisami kei Simueli. E ratou sa nodra qase ni veivuvale ena mataqali i Tola ka ratou sa sotia qaqa ka rogo. Na levu ni kedra i wiliwili na nodra kawa ena gauna i Tevita na tui e lewe 22,600.

3Sa duabulu ga na luve i Usai tagane, o Isaraia. E ratou lewe va na luve i Isaraia tagane: o Maikeli, o Opetaia, o Joeli kei Isaia, ka ratou i liuliu ni veimatavuvale.

4Ena kena rui lewe vuqa sara na watidra kei na luvedra, a rawa kina vei ira na nodra kawa me ra solia e lewe 36,000 na tamata me ra veiqaravi ena mataivalu.

5A vakaraitaka ena i vola vakamatanitu ni a rawa me ra solia na lewe ni mataqali i Isakari era lewe 87,000 na tamata qaqa ka kaukauwa me ra tamata i valu.

Na Kawa i Penijamini kei Tani

6E ratou sa lewe tolu na luve i Penijamini tagane: o Bela, o Pekeri kei Jitieli.

7E lima na luve i Bela tagane: o Esiponi, o Usai, o Usieli, o Jirimoci kei Iri. E ratou i liuliu ni mataqali ni nodratou qase, ka ratou sotia qaqa ka rogo. Sa okati ena nodratou kawa e lewe 22,034 na tagane era rawa ni veiqaravi vakasotia.

8E ratou lewe ciwa na luve i Pekeri tagane: o Simirai, o Joasa, o Iliesa, o Elioenai, o Omirai, o Jirimoci, o Epaia, o Anacoci, kei Alemeci.

9A volai tu ena i vola ni kawa ni kedra i wiliwili na tagane era rawa ni veiqaravi vakasotia era sa lewe 20,2000.

10E dua ga na luve i Jitieli tagane, o Pilani, ka ratou lewe vitu na luve i Pilani tagane: o Jeuse, o Penijamini, o Eute, o Kinana, o Secani, o Tasisi, kei Eisari.

11Eratou a qase ni veivuvale ena loma ni nodratou mataqali ka ratou sotia qaqa ka rogo taucoko sara. Na nodratou kawa era sa tiko kina e lewe 17,200 na tagane era rawa ni veiqaravi vakasotia.

12E rau lewe ni mataqali talega oqo o Supimi kei Upimi.

Sa duabau ga na luve i Tani tagane, o ya o Usimi.Na Kawa i Navitalai

13E ratou lewe va na luve i Navitalai tagane: o Jasieli, o Kuni, o Jeseri kei Salumi. (O ira oqo era kawa i Pila.)

Na Kawa i Manasa

14Oi rau na luve i Manasa tagane mai vua na watina lalai ni Arami, o Asirieli vata kei Mekiri. O Mekiri sa tama i Kiliati.

15A sa kunea o Mekiri e yadua na watidrau o Upimi vata kei Supimi. Na yaca i ganena o Meka. Na i karua ni luve i Mekiri tagane e yacana o Silovati, a sa vakaluveni yalewa ga o koya.

16A vakasucuma e rua na luvena tagane o Meka na wati Mekiri, ka yacadrau o Peresi vata kei Seresi. E rau sa lewe rua na luve i Peresi tagane, o Ulami vata kei Rekemi.

17Sa duabau ga na luve i Ulami tagane, e yacana o Pitani. Sa i ira kece oqo na kawa i Kiliati, na luve i Mekiri ka makubui Manasa.

18E ratou sa lewe tolu na luvena tagane o Emolekeci, na ganei Kiliati: o Isoti, o Epiesa kei Mala.

19E ratou sa lewe va na luve i Semita tagane: o Eaiani, o Sikemi, o Liki kei Eniami.

Na Kawa i Ifereimi

20Oqo na kawa i Ifereimi ni sa dewa mai na dua na i tabatamata ki na dua tale: o Sucela, o Pereti, o Teaci, o Elata, o Teaci,

21o Sapati kei Sucela. E rau lewe rua tale na luve i Ifereimi: o Esa vata kei Elati, ka rau a vakamatei ena gauna e rau a tovolea tiko kina me rau butakoca na nodra manumanu na kai Kaca.

22A sa tagicaki rau vakalevu o Ifereimi na tamadrau ka bogi vuqa, era a lako talega mai na wekana me ra vakacegui koya.

23A sa mocera tale na watina o Ifereimi, a sa kunekune kina ka vakasucuma e dua na luvedrau tagane. A sa vakatoka me yacana o Piria, ena vuku ni leqa sa yaco ena nona vuvale.

24E dua na luve i Ifereimi yalewa o Seira, a sa tara o koya na koro o Peci Oroni e Cake, kei Peci Oroni e Ra, vata kei Useni Seira.

25E dua na luve i Seira tagane, na yacana o Refa, ka vakaoqo na nona kawa: o Resefi, o Tela, o Teani,

26o Latani, o Amiute, o Elisama,

27o Nuni kei Josua.

28Ia na vanua era sa taura me ra vakaitikotiko kina sa okati kina na koro o Peceli kei na veikoro sa wavolita, me yaco sara ki na koro o Neerani mai na tokalau ka me kauta sobu i Keseri mai na ra kei na veikoro e volita. E okati talega kina na koro o Sikemi kei Aiya vata kei na veikoro e volita.

29Ia era a lewa na kawa i Manasa na veikoro o Peci Siani, o Teeanaki, o Mekito, o Doa kei na kena veikoro e volita.

Oqo na veivanua era a tiko kina na kawa i Josefa na luve i Isireli.

Na Kawa i Aseri

30Oqo na kawa i Aseri. E ratou lewe va na luvena tagane: o Imina, o Isiva, o Isivi, o Piria, kei na dua na ganedratou o Sera.

31E rau lewe rua na luve i Piria tagane, o Eperi, kei Malakieli, o Malakieli a tauyavutaka na koro o Pirisaici.

32E ratou lewe tolu na luve i Eperi tagane, o Jofiliti, o Someri, o Ocami, kei na dua na luvena yalewa o Sua.

33E ratou lewe tolu na luve i Jofiliti tagane: o Pasaki, o Pimali kei Asivaci.

34E ratou lewe tolu na luve i Someri tagane, na taci Jofiliti: o Roka, o Jiupa kei Erami.

35E ratou lewe va na luve i Ocami na tacina: o Sofa, o Imina, o Selesi kei Amali.

36O ira na kawa i Sofa o Sua, o Arineferi, o Suali, o Peri, o Imira,

37o Peseri, o Oti, o Sama, o Silisa, o Icirani kei Bira.

38O ira na kawa i Jica o Jefune, o Pisipa kei Ara.

39O ira na kawa i Ula o Ara, o Anieli kei Risaia.

40Sa i ira kecega oqo na kawa i Aseri. Era qase ni veivuvale, era tamata qaqa ka rogo, ka dauveiliutaki vinaka. Na kawa i Aseri sa okati kina era lewe 26,000 na tagane era rawa ni veiqaravi vakasotia.