VUNAU NI SORO 21 - Ai Vola Tabu Ena Vakavakadewa Vou（FNV）

Na i Vakaro e Baleti Ira na Bete

1A sa kaya vei Mosese ko Jiova, “Mo vosa vei iratou na bete na luve i Eroni, ka kaya vei iratou, me kakua ni vakadukadukalitaki koya e dua na bete ena vuku ni tamata ka mate ena kedra maliwa na kai nona,

2vakavo ga, o koya sa wekana voleka sara, me vakataki tinana, se tamana, se na luvena tagane, se na luvena yalewa, se na tuakana, se na tacina,

3se na ganena sa goneyalewa ga ka sa sega ni vakawati, ia sa vakararavi ga vua ka sega na watina; ena vukuna, e rawa me vakadukadukalitaki koya kina.

4Me kakua ni vakadukadukalitaki koya ena vukudra na wekana ni vakamau.

5Me ra kakua ni tasia na uludra, se tasia na tutu ni kumidra, se tavatava na yagodra.

21Me kakua sara ni dua vei ira na kawa i Eroni na bete sa vakaleqai e dua na tiki ni yagona, me toro voleka mai me vakacabora na veika sa cabo vei Jiova ena bukawaqa. Me vaka ni sa tiko na kena ca, me kakua sara ni toro voleka mai me vakacabora na kakana vei koya na nona Kalou.

22Sa rawa me kania o koya na kakana sa cabori vua na Kalou; oqori na kakana tabu vata kei na kakana tabu sara.

23Ia me kakua ga ni toro volekata na i lati, se torova yani na i cabocabonisoro, ni sa vakaleqai tiko na yagona de vakadukadukalitaka na noqu vale tabu: Ni sai au ko Jiova, o koya sa vakasavasavataki ira.”

24A sa tukuna vakakina o Mosese vei Eroni kei iratou na luvena, kei ira kece na Isireli.