1Toe die Israeliete
uit Egipte getrek het,
die nageslag van Jakob
uit die land
met ’n vreemde taal,
2het Juda
God se heiligdom geword
en Israel sy koninkryk.
3Die see het dit gesien en gevlug,
die Jordaanrivier
het teruggedraai.
4Berge het soos ramme
rondgespring,
die heuwels soos lammers.
5Wat is verkeerd, see,
dat jy vlug,
Jordaanrivier, dat jy wegdraai,
6berge,
dat julle soos ramme spring,
en julle, heuwels,
soos lammers?
7Bewe, aarde,
in die teenwoordigheid
van die Here,
in die teenwoordigheid
van die God van Jakob,
8Hy wat die rots verander
na poele water,
die vaste rots
na fonteine van water.
Who We AreWhat We EelieveWhat We Do
2025 by iamachristian.org,Inc All rights reserved.
