JOB 25 - Nuwe Lewende Vertaling

Bildad antwoord Job ’n derde keer

1Bildad die Suagiet

het Job geantwoord:

2“God is magtig

en ontsagwekkend.

Hy vestig vrede in die hemele.

3Wie kan sy hemelse leër tel?

Verlig Hy nie die aarde nie?

4Hoe kan ’n sterfling

voor God kom

en eis dat hy regverdig is?

Wie op aarde is rein?

5God is so heerlik

dat selfs die maan en sterre

nie met Hom

vergelyk kan word nie.

6Hoeveel minder

is gewone mense

wat maar soos wurms en brommers

voor Hom is?”