1Vir die koorleier: Met snarespel, met basstem. ’n Dawidspsalm.
2 Here, straf my nie
in u toorn,
kasty my tog nie
in u woede nie.
3Wees my genadig, Here,
want ek is swak.
Maak my gesond, Here,
want my liggaam is vol pyne.
4My hele wese
is angsbevange.
Hoe lank nog, Here?
5Kom terug, Here, en red my.
Genees my
op grond van u liefde.
6Want wie onthou U in die graf?
Wie kan U loof
in die doderyk?
7Ek is vermoeid van verdriet.
Snags is my bed deurweek,
is my kussing nat van trane.
8My oë is dof van droefheid,
dis verswak
weens al my vyande.
9Gaan weg,
al julle kwaaddoeners,
want die Here
het na my hulpgeroep geluister.
10Die Here
het my pleidooi gehoor;
die Here
sal my gebed beantwoord.
11Al my vyande sal beskaamd
en baie verslae wees;
in ’n oogwink
sal hulle beskaamd wees
en omdraai.
Who We AreWhat We EelieveWhat We Do
2025 by iamachristian.org,Inc All rights reserved.
