Luc RHAGAIR - University of Wales Guild of Graduates Translation 1945 (NT, Hosea, Amos)

RHAGAIRWedi iddynt orffen cyfieithu Efengyl Marc yn 1921 aeth pwyllgor Bangor ymlaen o dan lywyddiaeth y diweddar Syr John Morris-Jones i gyfieithu Mathew a Luc. Troswyd dwy bennod ar hugain o’r efengyl gyntaf, a saith bennod o’r drydedd efengyl. Eithr wedi marw Syr John safodd, y gwaith, a gofynnwyd i ni, ddau o aelodau’r pwyllgor a gyfieithodd Efengyl Marc, ail-gydio yn y gwaith a’i orffen cyn gynted ag y byddai modd. Hyderwn y gellir cyhoeddi Efengyl Mathew cyn bo hir.Aethpwyd trwy’r saith bennod gyntaf yn ofalus, ac nis gadawyd heb gyfnewid peth arnynt hwnt ac yma. Ni ein dau sy’n gyfrifol am y rhelyw o’r cyfieithiad. Fe welir na cheisiasom gysoni Luc â Marc yn fanwl yn yr adrannau hynny sy’n gyffredin i’r ddwy efengyl. Ond wrth gyfieithu Efengylau Luc a Mathew cymharwyd hwy’n ofalus er cael y cysondeb a ddylai fod rhwng yr efengylau cyfolwg, ac er dangos hefyd y mân wahaniaethau sydd rhyngddynt.Hyderwn y ceir cyfle, cyn i’r tair efengyl ymddangos gyda’i gilydd, i gyfnewid cymaint ag a fydd yn angenrheidiol ar yr efengyl hynaf er mwyn ei dwyn i gydymffurfio â’r ddwy arall.Testun Nestle a ddilynwyd wrth gyfieithu. D. Emrys Evans.

Ifor Williams.

Medi. 1943.Yn ôl Luc