1Ag ka mangiimon ed asawam ya inarom. Ibangat mo labat ed satan no panoy panggawa toy pakasakitan mo.
2Ag mo isusuko so kagalangan ed anggan dinan a bii.
3Arawian mo ray asawa na arum a lalaki, ta no andi patitan da ka.
4Ag ka mioolup ed saray bibiin kumakanta tan tumutogtog; palikdoen da ka.
5Ag ka onnenengneng a mapalalo ed sakey a birhin, ta no andi napasoot kan mambayar na bili na nubio.
6Ag mo iiter so sikan dili ed saray marotak a bibii, pian ag mo nabalang ya amin so kayaryan mo.
7Kanyan ag ka oonlan mananap ed saray dalan odino manliber-liber ed saray ataynan a parti na baley.
8No makanengneng kay magangganan bii, lingaw ka ed biek a dapag; ag mo panaayamen ed kanunotan mo so ganggana na biin ag mo asawa. Dakel iray lalakin nibalang na ganggana na sakey a bii. Parlangan toy liknaan mo a singa apoy.
9Ag ka mirorongod asawa na sananey a laki odino miinoman ed sikato. Nayarin napelag ka ed pananukso na ganggana to tan naderal ka na panibeg mo.
Say Pikakaarod Arum a Lalaki10Ag mon balut ikakaindan so abayag lan kaaro; ag kan balut makalmo na balon kaaro a kasalat to. Singa alak so pikakaaro; lalon onaabig no ombabayag.
11Ag ka oniibeg ed iyaaligwas na toon makasalanan; ag mo amta no antoy niganan deral a manaalagar ed sikato.
12Ag ka manliliket ed saray bengatlan pakaliliketan na saray totoon aliwan matonung; ag mo lilingwanan a legan dan mambibilay wala rad kasalanan.
13No paliisan moy toon walay pakayari ton mamatey ed sika, ag ka nepeg ya ontakot ed pangyagel moy bilay mo; balet no nepeg moy onasingger ed sikato, manalwar kan maung, ta nayarin pateyen to ka. Nepeg a sinununot ka a manaakar ka ed kawalaan da ray patit, a sikay mainomay a napatitan.
14Gawam so anggaay nayarian mon mangamta ed saray totoon walad kaliber-liber mo, tan miala ka na simbawa ed saray totoon manepeg labat a mangiter.
15Mitongtong kad saray totoon maotek, tan say Ganggan na Sankatagyan so nepeg a pantongtongan yo.
16Pilim a kaibam ed panangan iray totoon matonung. Nepeg a say takot mod Katawan so manonan ikinon mo.
Saray Manoley17Nadayew so toon marunong a mankimey lapud saray bengatlan gagawaen to, tan napapamintuaan so kakabatan na pangulo diad panamegley na saray salita to.
18Tatakotan na balang too ed baley so toon mansasalita ya anggapoy adya tan sagpasagpa.
Who We AreWhat We EelieveWhat We Do
2025 by iamachristian.org,Inc All rights reserved.
