1Makaliliket ak nen inkuandad siak,
“Onla itayod abung na Katawan.”
2Et natan wadya kami la,
manalalagey ed loob na saray puirta na Jerusalem!
3Naapiger so Jerusalem;
maoksuy tan marakep la lamet.
4Dimay lalaen da ray tribu,
saray tribu na Israel,
a misalamat ed Katawan,
onung na ingganggan tod sikara.
5Dimay kawalaan da ray trono,
a nansisintinsiaan na saray ararid Israel.
6Pikasi yoy kareenan na Jerusalem:
“Onaligwas komun iray mangaarod sika!
7Wala komuy kareenan ed loob da ray padir mo
tan arawi komun ed kaatapan iray palasiom.”
8Lapud saray kakaarok tan saray kakanayon ko,
kuankod Jerusalem, “Manari komuy kareenan ed sika!”
9Lapud abung na Katawan a Dios tayo,
pikakasik so iyaligwas mo.
Who We AreWhat We EelieveWhat We Do
2025 by iamachristian.org,Inc All rights reserved.
