1Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.
2Inkuanen Amos,
“Unuungol a manlapud Sion so Katawan;
onkakarul a manlapud Jerusalem so bosis to.
Namamagaan iray pastolan
tan ompapatey iray dika ed Palandey na Carmelo.”
Dusaen na Dios iray Bansan walad Kaliber-liber na Israel Siria3Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.
4Kanyan mangyakar ak na apoy ed palasion impaalagey nen Ari Hazael tan poolan ko ray tirinsira nen Ari Benhadad.
5Gaygayen ko ray puirta na siudad na Damasco tan paekalen ko ray totoon manaayam ed Patar na Aven tan say manoley na Bet-eden. Naalan priso ed dalin na Kir iray totoon taga Siria.”
Filistia6Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.
7Kanyan mangyakar ak na apoy ed saray padir na siudad na Gaza tan poolan ko ray tirinsira to.
8Ekalen kod pakaoley iray manoley ed saray siudad na Asdod tan Askelon. Dusaen koy siudad na Ekron, tan ompatey ya amin iray Filisteo ya atilak.”
Tiro9Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.
10Lapud saya mangyakar ak na apoy ed saray padir na siudad na Tiro tan poolan ko ray tirinsira to.”
Edom11Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.
12Lapud saya mangyakar ak na apoy ed siudad na Teman tan poolan ko ray tirinsira na Bozra.”
Ammon13Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.
14Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.
15Say ari tan saray opisyal to et nibantak ira ed arum a bansa.”
Who We AreWhat We EelieveWhat We Do
2025 by iamachristian.org,Inc All rights reserved.
