1Onsabiy agew a saray totooy Dios et kantaen dad dalin na Juda yan kanta:
Mabiskeg so siudad tayo!
Say Dios a dili so mangyaagel ed saray padir to!
2Lokasan iray puirta na siudad
tan palooben so matoor a bansa,
say bansa a matonung so gagawaen da ray totoo to.
3 Katawan, sika so mangiiter na nagnap a kareenan
ed saray totoon mangyaapasakey na kanunotan dad sika,
tan manmamatalek irad sika.
4Ando lan andon manmatalek kayo ed Katawan,
iyagel to itayo lawas.
5Pinaabeba to ray mapaatagey nen saman;
dinederal toy mabiskeg a siudad a nanayaman da,
tan inggegeba tod dabuk iray padir to.
6Panaakar-akaran tan gagatin-gatinan natan
na saramay aparpairap nen saman.
7 Katawan, pararakepen moy dalan da ray totoon matonung;
palanas so dadalanen da.
8Oonuren miy linawam tan manmamatalek kamid sika;
sika labat so pampilpilalekan mi.
9Masimoon ta kan pampilalekan no labi;
no sintinsiaan moy mundo tan saray totoo to,
naaralan da no antoy so inkatonung.
10Anggaman a mapangasi kad saray totoon maoges,
ag dan balut naaralan so manggaway kaptekan.
Anggan diad dalin na saray totoon
matonung manggagawa ran siansiay kaogsan;
ag da labay a birbiren so inkatalonggaring mo.
11Ag amta na saray kalaban mo a dusaen mo ra.
Katawan, ipelag mo pa rad kababaingan tan panliknam pa ray kairapan;
ipaliknam ed sikaray dusan imparaan mo.
Ipanengneng mo pad sikara so ontan lan panangarom ed saray totoom.
12Sika, O Katawan, so mamaaligwas na bilay mi;
sikay makankimey ed amin da ray gagawaen mi.
13 Katawan a Dios mi, inoleyan kami na saray arum a totoo,
balet sikan bukor so Katawan mi.
14Inaatey la ra natan tan ag ombangon iray anyani ra;
anggan say anino ra anggapo la, tan dinusam tan pinatey mo ra.
Anggapo lay makanunot ed sikara.
15 Katawan, sika so amabolaslas ed bansa mi;
pinabaleg moy nasasakopan ton dalin ed inerman a dapag;
et angiter ya ed sikay kagalangan.
16Dinusam iray totoom, Katawan,
tan diad paniirap da nampikasi rad sika.
17Sika, Katawan, so makasengeg na impanayay mi,
a singa panayay na biin mampapasakit.
18Nanirap kami tan nampasakit kami,
balet anggapo so inyanak mi.
Anggapoy pananalon niiter mid dalin mi;
anggapoy agawaan mi.
19Mambilay lamet iray totoo min inaatey!
Nabilay iray bangkay da.
Amin da ray nanaogip ed saray lobuk da
et ombangon ira tan mankanta rad liket.
No panon a pabebetelen na linaew so dalin,
ontan met a pabilayen na Katawan iray abayag lan inatey.
Say Inkadusa tan say Impawil na Saray Israelita20Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.
21Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.
Who We AreWhat We EelieveWhat We Do
2025 by iamachristian.org,Inc All rights reserved.
