1Diad gilig na saray ilog ed Babilonia inmiirung kami;
mannangis kamin akanunot diman ed Sion.
2Insasabit mi ray arpa mi
ed saray asingger a kiew a sansi.
3Impankanta kami na saray anakep ed sikami;
inkuanda a paliketen mi ra:
“Manganta kayoy nipaakar ed Sion!”
4Panoy panganta mi ed Katawan
diad sananey a bansa?
5Ag ak lan balut komun makatogtog na arpa,
no nalingwanan ta ka, O Jerusalem!
6Ag ak lan balut komun makakanta,
no ag ta ka nanununotan,
no ag ta ka nanunotan a sankabalgan a liket ko!
7Nunot mo pa, Katawan, so ginagawa da ray Edomita,
nen agew ya adakep so Jerusalem.
Nunot mo may imbabagbaga ra,
“Geba yo ya anggad pundasion to!”
8Babilonia, naderal ka!
Maliket so too ya ombawid sika
lapud ginagawam ed sikami—
9say toon mangalad saray anak mon kapangyanak,
insan ibasig to rad baton-dampay.
Who We AreWhat We EelieveWhat We Do
2025 by iamachristian.org,Inc All rights reserved.
