1Nen akabatan nen Mardokeo ya almin iray agawa, pinilat toy kawes to lapud mapalalon ermen to. Insan nankawes na sako, ininan toy dapul so olo to, tan nambatik-batik ed siudad ya imbabando to, “Nadederal so bansan anggapoy kasalanan.”
2Kasabi tod lolooban na palasio, tinmonda. Ag linmoob ed palasio lapud ag nayarid dalem so toon akakawes na sako tan nandapul.
3Walay panogaog tan ermen ed saray Judio diad amin a luyag ya angipakabatan na samay ganggan na ari. Nanakis ira, nandageyem ira, tan nankawes iray sako tan naniyan iray dapul ed olo ra.
4Nen imbagad kinen Ester na saray aripen ton bibii tan saray yunuko so gagawaen nen Mardokeo, mapalaloy inkagunigon to. Angipatolur ed kinen Mardokeo na kawes ya isalat tod samay sako, balet ag inawat nen Mardokeo.
5Insan tinawag to si Hatac, sakey ed saray yunukon atoro ya aripen to, tan pinaonla tod kinen Mardokeo, ta tepeten toy amin a nagagawa.
7Imbagad sikato nen Mardokeo so amin ya agawa tan no panoy impangisipan nen Haman a mangyan na talon lasus tan pitomplo tan liman toniladan pilak ed panagsinupan na kayamanan na palasio no napatey ya min iray Judio.
8Initdan nen Mardokeo si Hatac na kopia na samay ganggan a nipaakseb ed Susa, ya ibabaga toy pakapatey na saray Judio. Kinerew nen Mardokeo ya iter to may kopia ed kinen Ester, pian makakar a mikasid ari tan nakerew to a kasian to ray totoo nen Ester. Inkuanen Mardokeo, “Ibagam ed sikato a nunoten to ra may agew nen sikatoy sakey a mugmon too ya ombabaleg ed silong na panangasikasok. Bangta si Haman a kumadwan sankatageyan ya opisyal na impirio et nansalitay sumpad sikami tan kakaukolan toy ipatey mi, nepeg nen Ester so mikasid Katawan, insan misalitad ari nipaakar ed sikami. Nepeg ton ilaban kami ed patey.”
9Kanyan ginawa ya nen Hatac,
10tan saya so imbilin nen Ester ed sikato ya ipawil tod kinen Mardokeo:
11“No walay siopaman, laki may bii, ya onlad patio ed dalem tan miarapan ed ari anggaman ya ag tinawag, nasintinsiaan na patey itan a too. Amta ya na balang too ed impirio. No itoro na ari ed sikato so balituk a sitro to, sikato labat so ag to pakapatey. Balet sakey bulan lan ag ak ni tinawag na ari.”
12Nen nadngel nen Mardokeo imay impaibaga nen Ester,
13impawit to yan pasakbay: “Ester, abaloan mo amon bukor moy Judion ag napatey ed impirio.
14No anggapoy walad sika so panaon a singa saya, manlapud arum a polaing so tulong ed saray Judio, et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!”
15Saya so inyebat nen Ester ed kinen Mardokeo:
16“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”
17Tinmaynan la sirin si Mardokeo, tan ginawa toy amin ya imbaga nen Ester ed sikato.
Who We AreWhat We EelieveWhat We Do
2025 by iamachristian.org,Inc All rights reserved.
