Jeremias 30 - Pangasinan Meaning-Based Bible(MBBPAN83)

Saray Sipan na Katawan

ed saray Totoo to

1Say Katawan a Dios na Israel

2inkuantod siak: “Isulat mod sakey a libro iray amin ya imbagak ed sika,

3ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

4Say Katawan kuantod saray totood Israel tan Juda,

5“Nadngel koy makapataktakot ya eyag,

sakey ya eyag a mangiter na takot, aliwan kareenan.

6Tonda kayo natan, ta mannunot kayo!

Mananak ta na sakey ya ogaw so laki?

Akin sirin et sankanengneng koy balang laki a sankabembenan toy eges to

a singa biin mampapasakit?

Akin et ampoti-potiy bosaleg na balang sakey a too?

7Onsasabi so sakey a makapataktakot ya agew;

anggapoy agew a makapipara ed sikato—

sikatoy panaon a kagunigon na saray totook,

balet nayarian dan agwantaan.”

8Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

9Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.

10“Totook, ag kayo natatakot;

totood Israel, ag kayo nasesegawan.

Iyagel ta kayod saman ya arawin lugar,

diad saman a dalin ya akaprisoan yo.

Ompawil kayod dalin yo tan manayam kayod man a walay kareenan;

niarawi kayod kaatapan, tan anggapoy manaktakot ed sikayo.

11Laen ta kayon iyagel.

Deralen kon amin iray bansan

angikayatan kod sikayo,

balet ag ta kayo deralen.

Ag ko abuloyan ya ag kayo nadusa;

balet no dusaen ta kayo, gawaen ko onung ed katonungan.

Siak, say Katawan, so nansalita.”

12Inkuan na Katawan ed saray totoo to,

“Ag napaabig iray sugat yo;

ag la ra onabig.

13Anggapoy mangasikasod sikayo,

anggapoy nitambal ed saray sugat yo,

anggapo lay ilalon onabig kayo.

14Alingwanan kayo la na amin da ray kainarowan mo;

ag da ki la labay.

Dinogpaan ta kayon singa sakey a kalaban;

mapalaloy inkadusa yo,

lapud amayamay so kasalanan yo

tan mapalaloy kaogsan yo.

15Ag kayo manririklamo lapud saray sugat yo;

ag kayo la napaabig.

Onyay impanusak ed sikayo,

lapud amayamay so kasalanan yo

tan mapalaloy kaogsan yo.

16Balet natan, nabwag ya amin iray mambubuag ed sikayo;

naalan priso iray amin a kalaban yo.

Napairap ya amin iray mamapairap ed sikayo,

nasamsaman ya amin iray manasamsam ed sikayo.

17Pagmaliwen kon maung lamet so kipapasen yo;

paabigen ko ray sugat yo,

anggaman ibabaga na saray kalaban yo,

‘Nibantak so Sion;

anggapoy malabay ed sikato.’

Siak, say Katawan, so nansalita.”

18Say Katawan kuanto,

“Papawilen kod dalin da iray totook,

tan kasian koy balang pamilya;

napasimbalon nipaalagey so Jerusalem;

tan say palasio.

19Mankanta na panangidayew iray totoon manaayam diman;

maneyag irad liket.

Lapud panamindision ko ondakel ira,

tan napagalangan ira.

20Ipawil kod gendat a pakayari so bansa ra,

tan iletneg kon malmalet lamet;

dusaen kon amin iray mamapairap ed sikara.

21-22Manlapud dilin bansa ra iray manoley ed sikara,

kadalaan da met lamlamang so prinsipi ra.

No imbitaan kon onsingger, ondagod siak;

ta siopay ondagon ag inimbitaan?

Magmaliw iran totook

tan siak so Dios da.

Siak, say Katawan, so nansalita.”

23-24Sakey a bagyo so pasnuk na Katawan, sakey a mabiskeg a dagem ya ombasig ed tagey na olo na saray totoon maoges. Ag ontonda ya anggad nasumpal ya amin iray labay ton gawaen. Diad arapen iran agew natalutalusan ya na saray totoo to.