1Naimanok diad sayan mundo so mapalalon kaogsan a nagagawad katoowan.
2Say Dios itdan toy sakey a too na kayamanan, kagalangan, tan kayaryan, on, amin a labay to, balet ag to abuloyan a panliketan to ra. Say sakey a sangkaili la laingen so manliket. Sakey yan andi-kakanaan tan sumlang ed katonungan.
3Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.
4Anggapoy kaabigan a nagamuran to yan ogaw ed kianak to; naandipat lan onlad kabilongetan tan diman la nalingwanan.
5Ag to la anengneng so liwaway agew odino naamtaan so kabaliksan na bilay, balet agamuran toy inawa—
6mainawa nen say samay toon aliwan maliket so impanbilay to, anggaman a nayarin mambilay na duan liboy taon. Ag ta saksakey met lamlamang so laen dan dua?
7Mankimey so too pian walay tagano to, balet siansian ag napenek.
8Antoy panmaungan na toon makabat ed toon makulang-kulang? Antoy kaabigan a nagunggona na toon mairap-bilay a naamtaan toy mambilay?
9Sakey yan andi-kakanaan; singa ka onoosil ed dagem. Maung niy panliketan moy antokaman a walad sika nen say mansasalat so pampilalekan mo.
10Amin a nagagawa natan et abayag lan nigetar nen saman nin panaon, tan amta tayo a say too et ag nayarin misangsangan ed mabiskeg nen say sikato.
11No andokey so pisangsangan mo lalon anggapoy kana to, tan anggapoy nagunggonam.
12Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalin—sakey a bilay a naandipat a singa anino? Siopay makapangibaga no antoy nagawad mundo kapatey to?
Who We AreWhat We EelieveWhat We Do
2025 by iamachristian.org,Inc All rights reserved.
