1Diad kumatalomplo tan anem a taon na panooley nen Ari Asa na Juda, nilooban nen Ari Baasa na Israel so Juda. Ginapwan ton paliberan na padir so Rama, pian anggapoy makaonla o makapaway ed Juda.
2Kanyan angala si Ari Asa na pilak tan balituk ed kayamanan na Timplo tan palasio, insan to imbakid Damasco iray pigaran opisyal to. Diad Damasco so panaayaman na ari ed Siria a si Ari Ben-hadad. Inter dad ari may pilak tan balituk, insan da sinalita so papaibaga nen Ari Asa:
3“Manibaan ita, a singa ginawa na saray kaamaan ta. Panangarok ed sika ra yay pilak tan balituk. Lingwanan mo lay impisipanan mod Ari Baasa na Israel, et ekalen to ray sondalo ton walad nasasakopan kon dalin.”
4Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, tan amin da ray siudad na Neftali a panangisempenan ira na saray abasto.
5Nen nadngelan nen Ari Baasa so nagagawa, tinondaan toy pamapadir tod Rama tan tinmaynan la.
6Insan impantitipon nen Ari Asa iray lalaki ed intiron Juda tan impaekal to ray bato tan saray tablan pamapadir nen Baasa ed Rama. Impamadir nen Asa ira yan bato tan tabla ed saray siudad na Mizpa tan Geba.
Si Propita Hanani7Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.
8Ag ta saray taga Etiopia tan saray taga Libia et dakerakel a maung so sondalo ra tan amayamay iray karwahi ra tan saray kumakabayo ra? Balet lapud nanmatalek kad Katawan, impatalo to rad sika.
9Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”
10Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.
Say Samput na Impanoley nen Asa(1 Ar. 15:23-24)11Amin da ray agawgawa legay impanoley nen Asa manlapud gapo ya anggad samput et nikorit ed Say Awaran da ray Arari ed Juda tan Israel.
12Nen kumatalomplo tan siam a taon na panaari nen Asa, alopuy lapud sakit na sali a nilikna to. Saray doktor, aliwan say Katawan, so nanmatalekan ton mamaabig ed sikato.
13Kalabas na duay taon inatey
14insan nipompon ed lobuk ya inongib ed balbaleg a bato. Impagawa to yan lobuk a para sikato diad Siudad nen David. Nambabangil a rikado tan pabalingit so inkakana ra ed bangkay to ya impompon. Nampool iray balbaleg a pangipanengneng na ermen dad impatey to.
Who We AreWhat We EelieveWhat We Do
2025 by iamachristian.org,Inc All rights reserved.
