1tan ag ka magmamaliw a sakey a kalaban anta sakey ka komun a kaaro. Say makapoy ya inkabantug mangipelag ed sikad kababaingan a kanepegan a nagawad saray matitilan makasalanan.
2Ag mo aabuloyan a niarawi ka na saray maksil a liknaan mo; napisag-pisag toy kamarerwam a singa gawaen na bakan kalakyan.
3Nataynan kan singa inatey a kiew ya anggapoy bolung odino bunga to.
4Deralen ka na maoges a pilalek mo tan pagmaliwen to kan sakey a lorey ed saray kalaban mo.
Pikakaaro5No masimpit tan magalang ka, napanliketan moy pikakaaro na saray amayamay a totoo.
6Mibanowan ka ed saray amayamay a totoo, balet miala ka na simbawa ed sakey labat ed sanlibon totoo.
7No mikaaro ka, ag ka maganat a manmatalek ed saray nakaarom; nepeg ya asubok la ra.
8Saray arum a totoo magmaliw iran kakaarom no pankaabigan da, balet ag da ka la tulongan no wala kad gunigon.
9Saray arum a totoo magmaliw iran kalaban mo lapud pigaran sangsangan, insan pabaingan da ka diad panamegley na pangibaga rad balang sakey na nipaakar ed inkagawa.
10-11Saray arum mirongo rad sikad lamisaan legan a maung iray bengatla; ompeket irad sika a singa aninom tan iganggan da ray aripen mo, balet ag da ka tulongan ed gunigon mo.
12No magmaliw a maoges so kipapasen mo, onsumlang irad sika, tan ag mo la ra narumog ed anggan iner a pasen.
13Arawian mo ray kalaban mo tan alwaran mo ray kakaarom.
14Say matoor a kaaro et singa salimbengan ya arawid kaatapan; no akalmo kay sakey, akalmo kay kayamanan.
15Anggapo lay arum a mabli nen say matoor a kaaro; ag nayarin itdan na bili.
16Singa tambal a pansiasiansiaen ton maabig so laman mo so matoor a kaaro.
17Say sakey a toon walay takot tod Katawan et matwan mikaaro, lapud ipasen to ray kakaaro to a singa pangipapasen tod sikaton dili.
Manaral ed Kakabatan18Anak, aral mon pablien so Kakabatan legan a malangwer ka ni, et nayarian mo nin narumog no matakken ka la.
19Diad pananap mo na Kakabatan, mankimey ka na pinasya a singa panagkimey na dumaralus diad pambaka tan pantanem tod kaalogan to; diad ontan makapanilalo kad maung ya ani. Nepeg mon kimeyan a magano, balet ag mabayag panliketan moy nalmom.
20Naamtaan na saray totoo ya ag da amtay peteken a mairap a tuloy iray kakaukolan na Kakabatan tan kulang so pilalek dan manumpal ed saraya.
21Saray kakaukolan na Kakabatan et ambelat ni nen say labay dan sakbaten, kanyan tampol dan taynan ira.
22“Panametek” labat so kabaliksan na panametek, tan amayamay iray totoon ag da napetek so sikaran dili.
23Anak, dengel kad siak tan awat moy simbawak.
24Ibaliber mod saray salim iray golunggolung na Kakabatan tan iyan mod tenger mo so pako to.
25Sakbat mod takeb mo tan ag mo ipopolisay iray berber to.
26Tombuk moy Kakabatan, tan tombuk mod intiron pusom so labay to.
27Lakan mananap ed Kakabatan, et ipaamta toy sikaton dili ed sika. Bembenan mo tan ag mo ibobolus.
28Diad ontan, naamtaan moy kareenan na kanunotan ya iiter to tan sikatoy magmaliw a gayagam.
29-30Saray tanda na inkaaripen ya isosolung mo et magmaliw iran tanda na katageyan na ari. Magmaliw a mangyagel ed sika iray golunggolung to tan isolung moy pako to a singa kawes na kagalangan.
31Isolung moy Kakabatan a singa koronan napnoy kagalangan.
32Anak, makaaral ka no labay mo. Nayarin magmaliw kan masilib no pampelengan moy magmaliw ya onya.
33No sipaparaan kan ondengel, makaaral ka tan magmaliw kan makabat.
34Lakad kawalaan da ray mamatakken a totoo, anap moy toon makabat, tan miolup kad sikato.
35Nepeg a sipaparaan kan ondengel no mansalita ray totoon rilihioso, tan ag mo papalabasey antokaman a mangipapanengneng na kakabatan.
36No narumog moy toon walay pakatalus, bangon kan masakbay ya ombisitad sikato; pakondalem moy talpakad puirta to, lapud kabibisitam ed sikato.
37Ikanam so intiron panaon mo ed panagaral na saray ganggan na Katawan tan nudnunot mo ra. Say Katawan itdan to ka na pakatalus tan kakabatan ya aanapen mo.
Who We AreWhat We EelieveWhat We Do
2025 by iamachristian.org,Inc All rights reserved.
