1Linmoob ak la ed tanamanan ko,
O inarok, O nobiak.
Manaala ak na saray tanaman kon balsamo tan mira;
manaakan ak na dilok ed obung na bayaung;
oniinom ak na alak ko tan say gatas ko.
Saray BibiiMangan tan inom kayo, sikayo ran manangaro,
anggad nabuek kayo na aro!
Say Kumapat a KantaSay Bii2Nen akaogip ak, abangon so liknaan ko.
Akogip kon tinmoktok ed puirta so inarok.
Say LakiPaloob mo ak pa, O inarok,
say pinablik ya aliling toy malimlimgas a malapati.
Abasa na linaew so olok,
apoyut na kelpa so buek ko.
Say Bii3Nanlakseb ak la;
akin et mankawes ak ni lamet?
Nilinisan ko la ray salik;
akin et dotakan ko ra lamet?
4Say inarok impeket tod puirta so lima to,
nidomay liknaan ko lapud asingger la.
5Akaparaan ak la a mamaloob ed sikato.
Apoyukan la na mira so intiron limak,
ambasa-basa na mira iray gamet ko,
nen inegnaan ko may lokasay puirta.
6Nilukasan koy puirta ta onloob so inarok,
balet naandipat la.
Agaylay panlabay kon dengelen so bosis to!
Inanap ko, balet ag ko nalmo;
tinawag ko, balet anggapoy narengel kon ebat to.
7Arumog ak na saray guardian manliliber ed siudad;
kinabil da ak tan sinugatan da ak;
pinipilat na saray guardiad padir na siudad so kolibemben ko.
8Isipan yod siak, O bibiid Jerusalem,
no narumog yo may inarok,
ibaga yod sikato a makapoy ak lapud panangaro.
Saray Bibii9Sankagangganaan ed saray bibii,
domad arum a lalaki so inarom?
Anto tay nidoman talonggaring to
a makasengeg na pansipan mid sika?
Say Bii10Guapo tan mabiskeg so inarok;
nidoma ed saray sanlibon lalaki.
11Malagansa so lupa to tan pino-pino;
kolet tan andeket
a singa wawak so buek to.
12Saray mata to et balibali ran singa
saray malapatid abay na managagos
a kolus,
saray malapatin nanames ed gatas
tan manalalagey ed gilig na
managagos a sobul.
13Saray aping to et singa ra marakerakep a tanamanan,
a napno na saray tanaman ya ambalbalingit.
Singa saray lirio iray bibil to;
ambasa-basa ra na mira.
14Maimimos iray gamet to,
tan akasingsing na saray nambato.
Say laman to et singa pino-pinon garing,
ya akotepan na saray sapiro.
15Saray ulpo to et singa ra lusek ya alabastro,
nilira ed balituk a patoonan.
Matalonggaring a singa Kapalandeyan na Libano
ya atatagey iray kiew dan sidro.
16Masamsamit ya anguban so sangi to;
panliketan koy amin a nipaakar ed sikato.
Onya so kapara na inarok,
O bibiid Jerusalem.
Who We AreWhat We EelieveWhat We Do
2025 by iamachristian.org,Inc All rights reserved.
