1Dit sal sleg gaan met Jerusalem.
Die mense wat daar woon,
is opstandig teen die Here.
Hulle is sleg, hulle verdruk mekaar.
2Hulle luister nie
wanneer die Here
met hulle praat nie,
hulle is ongehoorsaam.
Hulle dink die Here
kan hulle nie help nie
en hulle dien Hom nie.
3Die amptenare in die stad
is soos leeus wat brul.
Die leiers is soos wolwe
wat in die nag kos soek
en niks laat oorbly
vir die volgende oggend nie.
4Die profete dink
net aan hulleself,
jy kan hulle nie glo nie.
Die priesters ontwy
die gewyde dinge.
Hulle is nie gehoorsaam
aan die wette van die Here nie.
5In hierdie stad is dit die Here
wat die Regverdige is,
Hy doen niks verkeerd nie.
Elke oggend wanneer dit lig word,
sê Hy wie is reg
en wie is verkeerd.
Maar die mense wat verkeerd doen,
word nie skaam daaroor nie.
Hulle het aangehou om verkeerd te doen6Die Here sê:
“Ek het die mense van baie volke
laat sterf.
Ek het die sterk mure
om hulle stede afgebreek.
Daar is niemand wat
in hulle strate loop nie,
niemand loop daar verby nie.
Ek het die huise
in hulle stede afgebreek,
daar woon niemand nie.
7Ek het vir die mense
van Jerusalem gesê:
‘Julle moet My eer,
julle moet luister
wanneer Ek met julle praat.’
As hulle geluister het,
dan sou Ek die stad nie verwoes nie
en hulle nie straf nie.
Maar hulle het aangehou
om verkeerd te doen.
Alles wat hulle gedoen het,
was verkeerd.
8Daarom moet julle wag vir die dag
wanneer Ek kom om julle te straf.
Ek het besluit om die volke
bymekaar te maak.
Ek wil hê hulle moet voel
hoe kwaad Ek is.
Ek sal al die mense op die aarde
laat brand in die vuur,
want Ek is baie kwaad.”
'n Nederige en eenvoudige volk sal in Jerusalem oorbly9“Maar op daardie dag
sal Ek die volke verander.
Hulle almal sal net vir My aanbid,
hulle sal net vir My dien.
10Die mense wat anderkant
die riviere van Kus woon,
sal vir My presente bring.
Hulle is mense van my volk
wat My eer,
maar Ek het hulle
uit hulle land laat gaan,
en hulle het in die land Kus
gaan woon.
11Ek sal die mense
tussen julle wegvat
wat dink hulle is baie belangrik.
Daar sal nie meer hoogmoedige mense
op my gewyde berg wees nie.
Dan sal julle nie meer
skaam wees oor alles
wat julle teen My gedoen het nie.
12'n Nederige en eenvoudige volk
sal in Jerusalem oorbly
en hulle sal veilig voel by My.
13Die Israeliete wat nog lewe,
sal nie verkeerd doen nie
en hulle sal nie lieg nie.
Dit sal goed gaan met hulle,
soos met skape en bokke
wat genoeg eet
en dan gaan lê en rus,
en niemand maak hulle skrik nie.”
Die Here het besluit om julle nie te straf nie14Israeliete, julle wat
in Jerusalem woon,
julle moet juig en bly wees,
15want die Here het besluit
om julle nie te straf nie.
Hy het julle vyande gestop
en laat teruggaan.
Die Koning van Israel,
die Here, is by julle.
Julle moenie meer bang wees nie.
16Daardie dag sal hulle
vir die mense in Jerusalem sê:
“Julle moenie bang wees nie,
mense van Jerusalem,
julle moenie moedeloos wees nie.
17Julle God die Here is by julle.
Hy is die Groot Soldaat
wat julle sal red.
Hy is bly en Hy juig oor julle.
Hy is lief vir julle
en Hy sing oor julle.”
Nou sal al die mense op die aarde my volk eer18Die Here sê:
“Ek sal julle mense
wat in ander lande is,
bymekaarmaak.
Hulle kan nie in die ander lande
die feeste van die Here vier nie.
Hulle kry swaar
omdat julle verkeerd gedoen het.
19Ek sal nou almal straf
wat vir julle verdruk het.
Ek sal die lam mense help,
ook die mense wat moes vlug
en op ander plekke
moes gaan woon.
Die ander mense het gemaak
of my volk niks beteken nie,
maar nou sal al die mense
op die aarde my volk respekteer.
20Op daardie dag
sal Ek hulle bymekaarmaak
en terugbring.
Al die volke op die aarde
sal hulle respekteer.
Hulle sal self sien,
dit sal goed gaan met hulle.”
Dit sê die Here.
Who We AreWhat We EelieveWhat We Do
2025 by iamachristian.org,Inc All rights reserved.
