1Van die Korag-groep. 'n Psalm. 'n Lied.
Die fondamente van die stad van die Here
is op die gewyde berge.
2Die Here is lief vir Sion en sy poorte,
meer lief as vir die ander woonplekke in die land Israel.
3Stad van God,
die mense sê wonderlike dinge oor jou.
Sela
4Die Here sê: “Daar is volke wat My ken,
en saam met daardie volke noem Ek ook
die mense van Egipte en Babel,
Filistyne-land, Tirus en Kus.
Hulle is nou ook kinders van Sion.”
5En ons sê: “Sion sal hoor
daardie mense is almal sy kinders,
en dit is die Hoogste God
wat die stad sterk en vas laat staan.”
6Wanneer die Here die name van die volke opskryf,
dan sal Hy hulle almal tel en sê hulle is kinders van Sion.
Sela
7Hulle sal sing en dans, en hulle sal sê:
“In Sion is alles wat vir my goed is.”
Who We AreWhat We EelieveWhat We Do
2025 by iamachristian.org,Inc All rights reserved.
