1Job het geantwoord, hy het gesê:
2“Is dit waar, is julle nou
die enigste mense wat wysheid het!
3Ek het ook verstand soos julle,
ek is nie dommer as julle nie.
Almal weet die dinge wat julle sê.
4My vriende lag nou vir my.
Ek het na God geroep en gevra
dat Hy my moet antwoord.
Ek het heeltemal reg gelewe,
maar hulle lag vir my.
5As iemand self lekker lewe, dan dink hy
dat hy kan spot met 'n man wat swaarkry,
hy dink dat hy kan trap op 'n man wat val.
6Die mense wat alles wil verwoes,
woon stil en rustig,
hulle is nie bekommerd nie.
Die mense wat vir God kwaad maak,
voel veilig,
hulle dink dat hulle met God kan doen
wat hulle wil.”
Job sê die diere en die plante kan vir sy vriende leer7“Maar jy moet vir die diere vra,
hulle sal vir jou leer,
die voëls sal dit vir jou sê,
8jy moet vir die plante op die grond vra,
hulle sal vir jou leer,
die visse sal dit vir jou sê.
9Hulle almal weet dat die Here
hierdie dinge laat gebeur,
10die Here besluit of 'n mens sal lewe,
Hy besluit of 'n mens sal asemhaal.
11Ons het ore om te hoor
wat woorde beteken,
ons het tonge om te proe
hoe kos smaak.
12Die wysheid kom wanneer jy
oud geword het,
jy word verstandig ná baie jare.”
Job sê die Here weet wat Hy doen13“Maar dit is die Here wat wysheid het
en wat sterk is.
Dit is Hý wat weet wat Hy doen.
14Wanneer Hy afbreek,
dan kan niemand bou nie.
Wanneer Hy 'n mens toesluit,
dan kan niemand oopmaak nie.
15Wanneer Hy dit nie laat reën nie,
dan is dit droog.
Wanneer Hy reën stuur,
dan verander die aarde.
16Die Here is sterk,
Hy het ware wysheid,
Hy regeer oor die mense
wat ander mense bedrieg.
Hy regeer ook oor die mense
vir wie hulle bedrieg.
17Hy laat raadgewers van konings arm word,
Hy laat regeerders dom dinge doen.
18Hy maak die bande los
waarmee konings mense bind
en Hy laat konings self
die klere dra van slawe.
19Hy laat priesters arm word
en Hy laat mense val wat dink
dat hulle sterk is.
20Hy laat mense stilbly
wat vir ander mense kan sê
wat hulle moet doen
en Hy keer sodat leiers
nie goed kan dink nie.
21Hy verneder belangrike mense
en Hy keer sodat sterk mense
nie goed kan veg nie.
22Hy laat mense moeilike dinge verstaan,
Hy maak lig waar dit donker is.
23Hy laat volke belangrik word
en Hy laat hulle verdwyn,
Hy laat volke groot word en Hy besluit
wat met hulle sal gebeur.
24Hy laat die leiers van 'n land se mense
onverstandig word,
hulle weet nie wat hulle doen nie.
25Hulle word soos mense wat in die
donker loop,
soos dronk mense wat nie weet waarnatoe
hulle gaan nie.”
Who We AreWhat We EelieveWhat We Do
2025 by iamachristian.org,Inc All rights reserved.
