1Volke, julle moet almal luister,
die aarde en alles
wat op die aarde is,
moet luister,
die wêreld en alles
wat uit die wêreld kom,
moet luister.
2Die Here is baie kwaad
vir al die volke
en vir al hulle soldate.
Hy sal hulle almal laat doodmaak.
3Hulle soldate sal sterf in oorlog,
en die dooie liggame sal
op die grond lê en stink.
Die berge sal vol bloed wees.
4Al die sterre in die lug sal smelt
en die hemel sal toerol
soos 'n boekrol.
Die sterre sal val soos droë blare
van 'n wingerdstok of 'n vyeboom val.
Die Here sal die Edomiete straf5Wanneer die Here in die hemel
sy swaard gereedmaak
om bloed te laat vloei,
dan sal sy swaard die Edomiete doodmaak.
Hulle is die mense wat Hy wil straf,
Hy wil hulle almal doodmaak.
6Die Here hou 'n swaard vas
wat vol bloed en vet is,
die bloed en die vet aan die niere
van skaap-ramme en bok-ramme.
Die Here sal baie mense doodmaak
in die stad Bosra, in die land Edom.
7Die leiers van Edom is sterk
soos buffels en bulle,
maar hulle bloed en hulle vet
sal op die grond val
en dit sal hulle land natmaak.
8Die Here sal die Edomiete straf
oor alles wat hulle gedoen het
aan Sion.
Hy sal dit doen op die tyd
wanneer Hy dit besluit.
9Die water van die riviere
van die land Edom sal teer word,
en die stof sal swael word,
en die hele land sal brand.
10Die vuur sal aanhou brand,
elke dag en nag,
dit sal aanhou rook.
Die land sal net hope klippe wees,
en niemand sal weer
deur die land loop nie.
11Daar sal nie mense
in die land woon nie,
die land sal leeg wees.
Daar sal net pelikane en uile woon,
nag-uile en kraaie sal hulle nes daar maak.
12Daar sal nie meer leiers wees
wat die land Edom regeer nie,
en daar sal nie meer amptenare wees nie.
13Daar was voorheen mooi huise
wat sterk mure gehad het,
maar nou sal daar dorings
en bossies groei.
Daar sal jakkalse en volstruise woon.
14 Woestyn-diere sal daar bymekaarkom,
veldgode sal mekaar roep,
en die nag-gees sal daar woon.
15Uile sal daar in die skaduwee
op hulle eiers broei,
en valke sal daar bymekaarkom,
elkeen saam met sy wyfie.
16Julle moet kyk
in die boek van die Here,
julle sal sien dat al daardie diere
in die land Edom sal wees,
elkeen saam met sy wyfie.
Die Here het gesê
die diere moet kom,
Hy het hulle bymekaargemaak.
17Die Here het die land Edom
vir die diere gegee,
Hy het vir elkeen sy eie plek gegee.
Die land sal altyd aan die diere behoort,
hulle sal altyd daar woon.
Who We AreWhat We EelieveWhat We Do
2025 by iamachristian.org,Inc All rights reserved.
