Izikiel Ihe dị nʼime ya - Igbo Contemporary Bible 2020

Ihe dị nʼime yaIhe dị nʼime ya:Izikiel bụ otu nʼime ndị nchụaja a dọtara nʼagha mgbe ndị agha Babilọn lara Juda nʼiyi. Ọ bụ na Babilọn ka ọ nọ malite ọrụ dị ka onye amụma Chineke. O buru amụma kwuo na ikpe ọmụma ọzọ ga-abịakwasị ndị Juda ahụ fọdụrụ na Jerusalem. Ma ndị Juu ya na ha nọ na Babilọn jụrụ ịnabata amụma o buru. Nʼikpeazụ, amụma ahụ o buru banyere Jerusalem mezuru (lee anya nʼisi 33:21), nʼihi ya, ndị Juu ibe ya malitere ịṅa ya ntị. Chineke sitere nʼọnụ ya gbaa ha ume, gosi ha na olileanya dị, na ha ga-emesịa lọghachikwa nʼala nke aka ha. Akwụkwọ Izikiel na-egosi ihe abụọ banyere Chineke, onye dị nsọ. Nke mbụ, ọ na-egosi na Chineke aghaghị ikpe ajọ omume ikpe. Nke abụọ, ọ na-egosi na ikwesi ntụkwasị obi Chineke na-adịgidere ndị niile na-ejezi ije dị ka iwu ya na ụkpụrụ ya si dị.Usoro e si dee ya:Ọkpụkpọ Izikiel 1–3

Amụma megide Izrel na Jerusalem 4–24

Amụma megide mba dị iche iche 25–32

Nkwa nlọghachi nke ndị a dọtara nʼagha 33–39

Ụlọnsọ ukwu dị nʼalaeze Chineke 40–48