2 Ihe E Mere Ihe dị nʼime ya - Igbo Contemporary Bible 2020

Ihe dị nʼime yaIhe dị nʼime ya:Akwụkwọ Ihe e mere nke abụọ kọrọ akụkọ ihe mere nʼala Juda. Ọ malitere akụkọ a nʼebe Akwụkwọ Ihe e mere nke mbụ kwụsịrị. A kọrọ akụkọ banyere ịdị ebube nke ọchịchị Solomọn, eze Izrel, kọọkwa ihe gbasara ịdị ebube nke ụlọnsọ ukwu. A kọkwara akụkọ banyere ihe mere nʼoge ndị eze Juda ndị ọzọ chịrị, rụtụ aka nʼihe gbasara ọnọdụ ife ofufe dị iche iche nʼoge ọchịchị eze ndị a. A kpọtụrụ Hezekaya bụ eze aha, nye ya ọnọdụ pụrụ iche nʼakwụkwọ a nʼihi na ọ bụ nʼoge ọchịchị ya ka enwere ntute dị ukwuu nʼala Juda. Akụkọ ọzọ a kọrọ nʼakwụkwọ a metụtara mbibi e bibiri Jerusalem, na ndọta nʼagha nke ndị agha Babilọn dọtara ndị Juda. Ihe e ji mechie akwụkwọ a bụ akụkọ banyere iwu nke eze ndị Peshịa nyere maka ịhapụ ndị Juda a dọtara nʼagha ka ha laghachi nʼala ha.Usoro e si dee ya:Ọchịchị Solomọn 1

Owuwu na ido ụlọnsọ ukwu nsọ 2–7

Ịdị ebube nke ọchịchị Solomọn 8–9

Ndị eze ndị ọzọ chịrị na Juda 10–36