Abụ Ọma 1 - Igbo Contemporary Bible 2020

Nchịkọta Akwụkwọ nke mbụ Abụ Ọma 1–41Abụ Ọma 1Onye ihe na-agara nke ọma

1Onye ihe na-agara nke ọma ka mmadụ ahụ bụ,

onye na-adịghị aga ije na ndụmọdụ ndị na-emebi iwu;

onye na-adịghị eguzokwa nʼụzọ ndị mmehie

maọbụ soro nʼotu ndị nkwutọ.

2Kama ihe na-atọ ya ụtọ bụ ime ihe niile dị nʼiwu Onyenwe anyị.

Ọ na-atụgharịkwa uche ya nʼiwu Onyenwe anyị ehihie na abalị,

3Ọ dị ka osisi a kụrụ nʼakụkụ iyi,

nke na-amịpụta mkpụrụ ya nʼoge ya,

nke ahịhịa ya na-adịghị akpọnwụ akpọnwụ.

Ihe niile ọ na-eme na-agara ya nke ọma.

4Ma ndị ajọ omume adịghị otu a.

Ha dị ka igbugbo ọka

nke oke ifufe na-efesasị.

5Ya mere, ndị ajọ omume agaghị eguzosi ike nʼụbọchị ikpe;

ndị mmehie agaghị eguzokwa na nzukọ ndị ezi omume.

6Nʼihi na Onyenwe anyị na-eche ụzọ ndị ezi omume nche.

Ma ụzọ ndị ajọ omume ga-eduba ha nʼịla nʼiyi.