DIPESALEME 142 - Sesotho 1909/1961 (SO)（SSO61-SO）

Thapelo ya motho ya tsietsing, ya lahilweng.Sefela sa Davida, mohla a neng a le lehaheng. Thapelo.

1Ke bitsa ho Jehova ka lentswe la ka; ke rapela Jehova ka lentswe la ka la thapedisiso.

2Ke tshela modumaelo wa ka pela hae, ke mo beela tsieleho ya ka.

3Yare ha moya wa ka o tepella ka ho nna, o tseba tsela ya ka. Ba ntjhehela mamena tseleng eo ke tsamayang ho yona.

4Tadima ka ho le letona, mme o ele hloko; ha ke na motho ya ntsebang, ha ho moo nka balehelang teng, ha ho motho ya ntlhokomelang.

5Jehova, ke nyolosetsa mehoo ya ka ho wena, ke re: O setshabelo sa ka, o kabelo ya ka lefatsheng la ba utlwang.

6O mamele modumaelo wa ka, hobane ke hlomohile haholo; o ntopolle ho bahlorisi ba ka, hobane ba mpheta ka matla.

7O ntshe moya wa ka teronkong, ke tle ke rorise lebitso la hao! Ba lokileng ba tla tla ho nteela hare, hobane o tla nketsetsa mohau.