DIPESALEME 4 - Sesotho 1909/1961 (SO)（SSO61-SO）

Sefela sa ka phirimana sa motho ya sa tshabeng ditshomo.Ho monga baphokodi. Ka diletsa tse tidinngwang. Pesaleme ya Davida.

1Ha ke bitsa, o nkarabe, wena Modimo wa ho loka ha ka! Ha ke le matswalong, o a ntokolla! Nkgauhele, o mamele thapelo ya ka.

2Lona bana ba batho, kganya ya ka le tla e fetola sesomo, le rate bosawana, le tiise leshano ho le hokae na? (Sela.)

3Tsebang hobane Jehova o tlotlisa eo a mo ratang. Ha ke bitsa ho yena, Jehova o a nkutlwa.

4Tshohang, le se ke la seba. Ha le robetse, le lose teng, le setse le kgutsitse. (Sela.)

5Hlahisang mahlabelo a ho loka, le itshepele Jehova.

6Ba bangata ba re: Re tla fumantshwa lehlohonolo ke mang? Jehova, ako re tjhabisetse lesedi la sefahleho sa hao!

7Pelong ya ka o nneile nyakallo e fetisang ya bona, mohla mabele a ba atetseng le veine.

8Ke sekama ka kgotso, ke be ke ithoballe ka kgotso, hobane, Jehova, ke wena o nnotshi ya nkahisang boiketlong.