JOSHUA 15 - Sesotho 1909/1961 (SO)（SSO61-SO）

Naha ya leloko la Juda.

1Naha e laoletsweng leloko la bana ba Juda, ka matlo a bona, ke ho ya moeding wa Edomo, lefeelleng la Tsine, nqa borwa; ke yona pheletso ya naha nqa borwa.

2Moedi wa bona nqa borwa o ne o tloha phellong ya Lewatle la Letswai, koung e lebileng borwa,

3ho ya fihla nqa borwa moepeng wa Akrabbime, ho tla Tsine; ka nqa borwa o nyolosetsa Kadeshe-Barnea, le ho tla Hetsrone, le ho nyolosetsa Addare, le ho pota Karkaa;

4o ntoo feta Atsmone, le ho tswela pele ho isa molapong wa Egepeta, moo naha e fellang lewatleng. E tla ba wona moedi wa lona nqa borwa.

5Nqa botjhabela, moedi e ne e le Lewatle la Letswai, ho isa makenellong a Jordane; nqa leboya, moedi o ne o tloha koung ya Lewatle la Letswai, moo Jordane e kenang teng.

6Moedi oo o nyolosetsa Bethe-Hogla, o feta nqa leboya ho Bethe-Araba, mme moedi oo o nyolosetsa ho isa fikeng la Bohane, mora Rubene.

7Moedi o nyolosetsa le Debire, ho tloha sekgutlong sa Akore; nqa leboya o lebile Gilgale o pela moepa wa Adummime, o nqa borwa ho noka; moedi o fetela pele ho fihla metsing a Ene-Shemeshe, o ye o felle Ene-Rogele.

8Moedi o ntoo nyolosa ka kgohlo ya mora Hinnome, e nqa borwa ho Jebuse, e leng Jerusalema; moedi o ntoo nyolosetsa qhoweng ya thaba e mabapa le kgohlo ya Hinnome, nqa bophirimela, ho felleng ha kgohlo ya Refaime, nqa leboya.

9Moedi o seha ho tloha qhoweng ya thaba ho isa sedibeng sa metsi a Nefthoa, o fihle metseng ya thaba ya Efrone; o ntoo lebiswa Baala, e leng Kiryathe-Jearime.

10Moedi hape o pota ho tloha Baala, nqa bophirimela, ho isa thabeng ya Seire, o fetele pele mothating wa thaba ya Jearime, e leng Kesalone, nqa leboya, mme o theosetse Bethe-Shemeshe, o ntoo feta ka Thimna.

11Moo, moedi o fetela pele mabapa le Ekrone, nqa leboya; moedi o ntoo leba Shikrone, o fetele pele ka thaba ya Baala, o ye ho fihla Jabneele, o ntoo fella lewatleng.

12Haele moedi wa nqa bophirimela, e ne e le Lewatle le Leholo ka lebopo la lona.

Ke oo moedi wa bana ba Juda ka nqa tsohle, ka matlo a bona.

13Kalebe yena, mora Jefunne, a newa kabelo hammoho le bana ba Juda, jwalokaha Jehova a ne a laetse Joshua, a newa motse wa Arba, ntata Anake; ke wona Hebrone.

14Kalebe a leleka teng bara ba bararo ba Anake, Sheshai, le Akimane, le Talmai, bana ba Anake.

15A ntoo tloha teng ho ya lwantsha ba ahileng Debire; bitso la pele la Debire e ne e le Kiryathe-Sefere.

16Kalebe a re: Ya tla kena Kiryathe-Sefere, a o nke, ke tla mo nea Aksa, moradi wa ka, e tle e be mosadi wa hae.

17Ebile Othniele, mora Kenase, ngwanabo Kalebe, o a o kena; mme a mo nea Aksa, moradi wa hae, ya eba mosadi wa hae.

18Mme ha a tlile ho monna wa hae, a mo phehella hore a kope tshimo ho ntatae; ebile Aksa o theoha hodima esele ya hae kapele, mme Kalebe a re ho yena: O batlang?

19A re: Nnee mpho, hobane o nneile naha nqa borwa; nnee le didiba tsa metsi. A mo nea didiba tse kahodimo le tse katlase.

20Ke lena lefa la leloko la bana ba Juda ka matlo a bona:

21Metse e phethellang naha ya leloko la bana ba Juda, moeding wa Edomo, nqa borwa, ke Kabtseele, Edere, Jagure;

22Kina, Dimona, le Adada;

23Kedeshe, Hatsore, Ithnane;

24Sife, Theleme, le Bealothe;

25Hatsore-Hadattha, le Keryothe-Hetsrone, e leng Hatsore;

26Amame, Shema, Molada;

27Hatsare-Gadda, Heshmone, Bethe-Palethe;

28Hatsare-Shuale, Beerseba, Bisyothia;

29Baala, Ijime, le Atseme;

30Eltholade, Kesile, Horma;

31Tsiklage, Madmanna, Sansanna;

32Lebaothe, Shilhime, Aine, le Rimmone: metse eo yohle e mashome a mabedi a metso e robileng mono o le mong, le metsana ya yona.

33Lehwatateng, ke Esthaole, Tsorea, Ashna,

34Sanoa, Ene-Gannime, Tapqua, Ename;

35Jarmuthe, Adullame, Soko, Aseka;

36Shaaraime, Adithaime, Gedera, le Gederothaime: ke metse e leshome le metso e mene, le metsana ya yona.

37Tsenane, Hadasha, Migdale-Gade;

38Dileane, Mitspe, Joktheele,

39Lakishe, Botskathe, le Eglone;

40Kabbone, Lakmase, Kithlishe;

41Gederothe, Bethe-Dagone, Naama, le Makkeda; metse eo e leshome le metso e tsheletseng, le metsana ya eona;

42Libna, Ethere, Ashane,

43Jiftah, Ashna, Netsibe;

44Keila, Aksibe, le Maresha: ke metse e robileng mono o le mong, le metsana ya yona.

45Ekrone le metse ya teng le metsana ya yona,

46ho tloha Ekrone ho isa lewatleng, naha yohle e pela Ashdode, le metsana ya yona;

47Ashdode, le metse ya teng le metsana ya yona; Gasa le metse ya teng le metsana ya yona, ho isa molapong wa Egepeta le Lewatleng le Leholo, lebopong la lona.

48Dithabeng, ke Shamire, Jatthire, Soko;

49Danna, Kiryathe-Sanna, e leng Debire;

50Anabe, Eshthemo, le Anime;

51Goshene, Holone, le Gilo; ke metse e leshome le motso o mong, le metsana ya yona.

52Arabe, Duma, Esheane,

53Janume, Bethe-Tappua, le Afeka;

54Humta, Kiryath-Arba, e leng Hebrone, le Tsiore: ke metse e robileng mono o le mong le metsana ya yona.

55Maone, Karmele, Sife, Juta;

56Jisreele, Jokdeame, Sanoa,

57Kaine, Gibea, le Thimna: ke metse e leshome le metsana ya yona.

58Halhule, Bethe-Tsure, Gedore;

59Maarathe, le Beth-Anothe, le Elthekone: ke metse e tsheletseng le metsana ya yona.

60Kiryathe-Baale, e leng Kiryathe-Jearime, le Rabba: ke metse e mmedi le metsana ya yona.

61Lefeelleng ke Beth-Araba, Middine, Sekaka,

62Nibshane, Ire-Hammela, le Ene-Gedi: ke metse e tsheletseng le metsana ya yona.

63Haele Bajebuse ba neng ba ahile Jerusalema, bana ba Juda ba sitwa ho ba leleka; Bajebuse ba ahile ke hona le bana ba Juda, Jerusalema, ho fihlela kajeno.