1Pelo ya ka e tshohile ke hona, e sisimoloha tulong tsa yona!
2Utlwang! utlwang ho duma ha lentswe la wona, le modumo o tswang molomong wa wona!
3O le utlwahatsa hohle sebakeng sa lehodimo, o betsa mahadima a wona ho isa pheletsong tsa lefatshe.
4Mme hanghang, lentswe la wona le a duma, o duma ka lentswe la boholo ba wona; ha o ke o thiba mahadima, ha lentswe la wona le utlwahala.
5Modimo o duma ka lentswe le tshabehang, o etsa dintho tse kgolo tseo re sitwang ho di utlwisisa.
6O re ho lehlwa: Kgethehela lefatsheng! O rialo le ho pula le ho dikgohola tse kgolo.
7Eba moo o kokobanyang matsoho a batho bohle, hore batho kaofela, bao o ba bopileng, ba tle ba o tsebe.
8Dibatana le tsona di hahabela matsabeng a tsona, di botha mesimeng ya tsona.
9Sefefo se tswa borwa, mme moya o tswang leboya o tlisa serame.
10Ka pudulo ya Modimo, ho hlaha leqhwa, metsi a matsha a hwama.
11Hape, o belesa maru ka metsi, o mathisa maru a tletseng letolo;
12mme wona a iphetolele kahohle kamoo o a laelang kateng, a tle a sebetse hohle hoo o ho laetseng lebaleng la lefatshe;
13e ka thupa e otlang lefatshe ha le ena le molato, mohlomong o a tsamaise ho hlohonolofatsa ka wona.
14Oho Jobo, sekehela taba tseo ditsebe tsa hao; ema, o nahane mehlolo ya Modimo.
15Na o tseba kamoo Modimo o di hlahisang kateng; kamoo o rerang lesedi la maru a wona kateng hore le hadime na?
16Na o utlwisisa ho ebesela ha maru? Na o utlwisisa bohlale ba wona bo phethehileng?
17Na o utlwisisa kamoo diaparo tsa hao di nkang mofuthumela kateng, ha o etsa lefatshe lebatama ka moya wa borwa na?
18Na o ka tseba ho ala sebaka sa lehodimo hammoho le wona, wa se fa bothata ba seipone sa tshepe e tsholotsweng na?
19O re rute seo re ka se buang ho wona; hobane re sitwa ho bua ka baka la ho se tsebe ha rona!
20Na o tla bolellwa hore ke rata ho o buisa? Na ke mang ya ka lakatsang ho timetswa?
21Efela motho o sitwa ho tadima letsatsi, ha le kganya sebakeng sa lehodimo, ha moya o se o fetile, mme o se o fietse;
22leboya le a le kgantsha jwaloka kgauta. Modimo o okametse tsohle jwalo ka kganya e tshabehang!
23Re ke ke ra finyella ho Ya matla wohle; o phahamile ka matla le ka toka, le ka ho loka ho sa kgelosweng.
24Ka baka leo, batho ba tshwanetse ho hlonepha Modimo; haele wona, ha o tadime le a mong ho ba bohlale.
Who We AreWhat We EelieveWhat We Do
2025 by iamachristian.org,Inc All rights reserved.
