1 Ezek 47.1; Zek 14.8 Kua 'akaāri maira te 'āngela ki āku i tēta'i kauvai vai ora tei ta'e 'ua mai mei kō mai i te terōno o te Atua ē te Punua Māmoe. Mei te i'o areare taua kauvai ra.
2Gen 2.9Tē ta'e 'ua ra ia i rotopū i te arāta'a, ē tē tū 'ua ra te rākau o te ora i tēta'i tua ē i tēta'i tua o taua kauvai ra. E ta'i nga'uru mā rua ōna 'ua'anga, 'okota'i 'oki marama 'okota'i 'ua'anga. E te rau o taua rākau ra 'e vairākau ia nō te au 'iti tangata.
3Zek 14.11; Gen 3.17Kāre rava tēta'i 'ua atu mea tauma'a'ia i roto i taua 'ōire ra.
Tei reira te terōno o te Atua ē te Punua Māmoe, e ka 'akamori tōna au tāvini i aia.
4Ka 'ākara rātou i tōna mata, ē i runga a'o tōna ingoa i tō rātou rae.
5a: Isa 60.19; b: Dan 7.18Kāre 'oki ō reira pō 'aka'ou, ē kāre e 'inangaro'ia te mārama o tēta'i lāmepa mē kāre o te rā, nō te mea, nā te 'Atu te Atua e 'ōronga mai i te mārama ki a rātou, ē ka tūtara rātou e tuātatau 'ua atu.
Te 'aere'anga mai o te Mesia6Kua tuatua mai te 'āngela ki āku, “Ko tēia au tuatua e tau kia 'irinaki'ia ē 'e mea mou 'oki ia. Ko te 'Atu te Atua tei uru mai i te au peroveta nā roto i tōna Vaerua, kua tono mai aia i tāna 'āngela i te 'akaāri atu ki tōna au tāvini i te au mea te ka tupu viviki e tikāi.
7“Inā, tē 'aere vave atu nei au. 'E ao tō te tangata tē 'ākono ra i te tuatua toto'u i roto i tēia puka nei.”
8Ko au 'oki ko Ioane, ko au tei 'akarongo ē tei 'ākara i tēia au mea. Kia 'akarongo ē kia 'ākara 'oki au i te reira, kua tīpapa i'ora au ki raro ki te pae vaevae o te 'āngela tei 'akaāri mai i te reira ki āku i te 'akamori atu i aia.
9Kua karanga maira rā aia ki āku, “Auraka rava koe e 'akapērā! 'E taeake tāvini 'oki au nō'ou, nō tō'ou au taeake te au peroveta ē nō te aronga tē 'ākono ra i te tuatua i roto i tēia puka nei. Ko te Atua tā'au e 'akamori!”
10Ē kua tuatua maira aia ki āku, “Auraka e 'akatāpa'o i te tuatua toto'u i roto i tēia puka nei, nō te mea, kua vaitata rava te tuātau.
11Dan 12.10Ko te tangata tē rave nei i te 'anga'anga tikakore, kia rave 'ua rāi aia i te mea tikakore, ē ko te vi'ivi'i ra, kia vi'ivi'i 'ua rāi aia; ko te tangata tuatua tika kia rave 'ua rāi aia i te tuatua tika, ē ko te tangata tapu kia tapu 'ua rāi aia.”
12 a: Isa 40.10; 62.11; b: Sal 28.4; Isa 40.10; Ier 17.10 Tē tuatua mai ra a Iēsū, “Inā, tē 'aere vave atu nei au, ē tei āku nei rāi tāku tūtaki kia 'ōronga atu au ki te tangata tātakita'i i tei tau ki tāna 'anga'anga.
13a: Apo 1.8; b: Isa 44.6; 48.12; Apo 1.17; 2.8Ko au te Alepha ē te Ōmega, te mōmua ē te 'openga, te 'akamata'anga ē te 'aka'openga.
14 Gen 2.9; 3.22 “'E ao tō te aronga tē tāmā nei i tō rātou kāka'u, tei a rātou 'oki te tika'anga nō te rākau o te ora, ē te tika'anga katoa nō te tomo ki roto i te 'ōire nā roto i te au ngūtupa.
15Ka no'o rā ki va'o te au kurī, te aronga purepure, te 'akaturi, te tā tangata, te 'akamori 'ītoro ē te kātoatoa tei rekareka ē tei rave i te 'anga'anga pikika'a.
16 Isa 11.1,10 “Ko au, ko Iēsū, kua tono atu au i tāku 'āngela i te 'akakite atu i taua au mea ra ki a kōtou nō te au 'ēkālēsia. Ko au te aka ē te 'uānga o Dāvida, te 'ētū kakā o te pōpongi ra.”
17 Isa 55.1 Tē tuatua maira te Vaerua ē te va'ine 'akaipoipo 'ōu ē, “E 'aere mai!”
Ē kia tuatua katoa mai tei 'akarongo rāi ē, “E 'aere mai!”
Ko tei kakī vai ra, kia 'aere mai aia; ko tei 'inangaro i te vai o te ora, kia rave 'ua mai aia ma te tūtakikore.
18 Deut 4.2; 12.32 Kua riro au 'ei kite nō te tangata kātoatoa tei 'akarongo mai i te tuatua toto'u i roto i tēia puka nei, mē tē tāpiri nei tēta'i tangata i tēta'i mea kē ki te reira, nā te Atua e tuku atu ki aia i te au mate i tātā'ia ki roto i tēia puka nei;
19ē mē tē kiriti nei tēta'i tangata i tēta'i o te au tuatua toto'u i roto i tēia puka nei, nā te Atua e tīpū i tāna tu'a'anga o te rākau o te ora ē te 'ōire tapu tei tātā'ia i roto i tēia puka nei.
20Ko ia tei 'akakite mai i tēia au tuatua nei, tē nā kō maira ē, “'E tika, tē 'aere vave atu nei au.”
Āmene. Āe, e 'aere mai, e te Atu e Iēsū ē!
21Tei te au tangata rava rāi te aro'a 'ua o te 'Atu ko Iēsū. Āmene.
Who We AreWhat We EelieveWhat We Do
2025 by iamachristian.org,Inc All rights reserved.
