1Ē tēianei, ko taua kōreromotu mua ra 'e au ture 'akamori'anga tōna ē tēta'i ngā'i tapu i ma'ani'ia e te tangata.
2a: Exo 26.1-30; b: Exo 25.31-40; c: Exo 25.23-30Kua 'akatū'ia 'oki tēta'i pū'ākapa, ē te tu'anga mua i karanga'ia ē, te “Ngā'i Tapu.” Tei roto i reira te vairanga lāmepa ē te kaingākai ma te varāoa tapu ra.
3Exo 26.31-33I muri i tēta'i ārai, ko te tu'anga ia tei karanga'ia ē, ko te “Ngā'i Tapu Rava.”
4a: Exo 30.1-6; b: Exo 25.10-16; c: Exo 16.33; d: Num 17.8-10; e: Exo 25.16; Deut 10.3-5Tei roto i reira te 'atarau 'auro nō te tutungi'anga i te rākau kakara ē te 'āruna kōreromotu i 'akamānea tākako rava'ia ki te 'auro. Ē tei roto i taua 'āruna ra te kapu 'auro kī i te māna, ē pērā katoa te tokotoko a Āārona i pua ra, ē ngā papā ture.
5Exo 25.18-22Ē i runga ake i te reira ko ngā kērupi tei 'akaāri mai i te kakā o te Atua nā roto i te tāmarumaru'anga i te ngā'i i 'akakore ei te Atua i te au 'ara. Kāre rā tēia i te tuātau tau kia tuatua rikiriki'ia nō runga i taua au mea ra.
6 Num 18.2-6 Ko tērā te 'akapapa'anga o taua au mea ra. E tomo 'ua ana rāi te kau ta'unga ki roto i te tu'anga mua o te pū'ākapa i tērā rā ē i tērā rā nō te 'ākonokono i tā rātou 'anga'anga ta'unga.
7Lev 16.2-34Ko te ta'unga ma'ata ua rā tei 'akatika'ia i te tomo ki roto i te tu'anga rua, e 'okota'i 'ua tomo'anga i te mata'iti 'okota'i. Ē kia pūpū katoa aia i te toto 'ātinga e tikāi 'ei 'ātinga nōna 'ua'orāi ē nō te au 'ara kiteakore'ia i rave'ia e te 'iti tangata.
8Tē 'akaāri meitaki nei te Vaerua Tapu nā roto i te reira ē, ko te arāta'a ki te Ngā'i Tapu Rava i te rangi, kāre te reira i 'akatu'era'ia ake, mē tē vai ra rāi te Ngā'i Tapu mua i raro nei.
9'E 'akatau'anga te reira nō tēia tuātau nei. Koia 'oki, kāre te au 'ātinga ē te au tārangā'ara tei 'apai'ia atu ki te Atua i rauka i te 'akatika i te ngākau o te tangata 'akamori Atua,
10nō te mea, 'e au ture 'ua te reira nō runga i te au mea te ka tika kia kainga'ia ē kia inumia, ē nō runga katoa i te au tāmā'anga tūkēkē. 'E au ture 'oki nō te au mea 'ua o te pae kōpapa. Ē ka vai 'ua rāi te mana o taua au ture ra e tae 'ua atu ki te tuātau e 'aka'ōu'ia ai te au mea rava rāi.
11Ē tēianei, ko te Mesia, kua riro mai aia ko te Ta'unga Ma'ata tei 'akatupu i te au mea mēmeitaki e vai nei, kua 'aere aia nā roto i te Pū'ākapa pu'apinga ma'ata atu ē te tau meitaki rava atu, kāre i ma'ani'ia e te rima tangata. Ko taua pū'ākapa ra 'oki, kāre ia i te mea 'anga'ia ia o tēia ao nei.
12E 'okota'i 'ua tomo'anga rā ki roto i te Ngā'i Tapu Rava ē i rauka ai i aia te rāvenga ora nō tātou e tuātau 'ua atu nā roto i te toto. Inārā, kāre i te toto puakani'o ē te toto punua puakatoro, ko tōna 'ua'orāi toto rā.
13a: Lev 16.15,16; b: Num 19.9,17-19Kua pīpī'ia te toto puakani'o, te toto puakatoro ē te re'u o te puakatoro u'a ki runga i te aronga vi'ivi'i i te Ture, ē tē tāmā nei te reira i a rātou kia mā 'aka'ou rātou i te Ture.
14Ka tanga atu ei te mana o te toto o te Mesia! Kua tuku atu 'oki te Mesia i aia 'ua'orāi ki te Atua 'ei 'ātinga meitaki rava atu nā roto i te Vaerua mutukore, ē tē tāmā ra tōna toto i tō tātou 'akavā ngākau kia 'uri mai tātou mei te au 'anga'anga mate 'ua nei ki te 'akamori'anga i te Atua ora.
15Ē ko tēia 'oki te tumu i 'akatupu ei te Mesia i te kōreromotu 'ōu, kia rauka i te aronga tei kāpiki'ia e te Atua te 'akameitaki'anga mutukore tāna i papa'u ra. 'E mate 'oki tēta'i 'ei rāvenga ora mei te au 'apa i te tuātau o te kōreromotu mua ra.
16Mē 'e kōreromotu 'akatu'anga 'apinga tēta'i, kia 'akapāpū'ia nā mua e tikāi ē, kua mate te tangata tei ma'ani i taua kōreromotu ra.
17Ka mana 'ua te kōreromotu i tōna mate'anga, nō te mea, kāre ake rāi 'e mana o taua kōreromotu ra, mē tē ora 'ua ra te tangata tei ma'ani i te reira.
18Nō reira, kua 'akamana'ia te kōreromotu mua nā roto i te toto anake 'ua.
19Exo 24.6-8Kua nā mua 'oki a Mōse i te 'akakite ki te 'iti tangata kātoatoa i te au mea rava rāi tā te Atua i 'akaue mai i roto i te Ture. Ē i muri ake kua rave aia i te toto punua puakatoro ē te puakani'o i kā'iro'ia ki te vai, ē kua pīpī atura ki runga i te pōkaikai o te Ture, ē pērā katoa ki runga i te tangata ki ēta'i rārā 'īsopa i tāpeka'ia ki te 'uru'uru kutekute.
20Ē kua nā kō akera aia ē, “Ko te toto tēia tei 'akamana i te kōreromotu tā te Atua i 'akaue mai ki a kōtou kia 'ākono.”
21Lev 8.15Ē kua pērā katoa aia i te pīpī'anga i te toto ki runga i te pū'ākapa ē te au kapu rava rāi i tā'anga'anga'ia nō te 'akamori'anga.
22Lev 17.11Kua vaitata e 'ope te au mea kātoatoa i te tāmā'ia e te toto mei tā te Ture i 'akakite mai. Ē kāre rava 'e 'ara e 'akakore'ia kia kore tēta'i toto i 'akamaringi'ia.
Tō te Mesia 'aka'ātinga'anga i aia 'ua'orāi23Ko taua au mea ra 'e au 'akatūtū'anga 'ua i te au mea o te rangi. 'E mea umuumu'ia kia tāmā'ia rātou nā roto i taua au 'ākono'anga ra. Nō reira 'e mea tau tikāi kia meitaki ma'ata atu te au 'ātinga o te au mea mou o te rangi.
24Kāre 'oki te Ngā'i Tapu Rava tā te Mesia i tomo ki roto i te ngā'i ma'ani'ia e te rima tangata. 'Ei tūtū 'ua rā te reira nō te au mea tika tikāi. Kua tomo rā aia ki roto i te rangi mou tikāi, ē tei reira aia i tēianei 'ei tauturu nō tātou i mua i te aroaro o te Atua.
25Kua mātau te ta'unga ma'ata i te tomo ki roto i te Ngā'i Tapu Rava i te mata'iti tātakita'i ma te toto o tēta'i mea i 'aka'ātinga'ia. Ko te Mesia rā, kāre aia i tomo putuputu nō te 'aka'ātinga atu i aia 'ua'orāi.
26Nāringa aia i pērā, te tika'anga tikāi kua mate putuputu rāi aia mei te kāpua'anga mai o tēianei ao. I tēianei rā, kua vaitata roa 'oki ki te 'openga o te au tuātau, kua 'aere mai aia 'okota'i 'ua 'aere'anga mai nō te 'akakore i te 'ara nā roto i te 'aka'ātinga'anga atu i aia 'ua'orāi.
27Mē ka mate 'oki te tangata tātakita'i, 'okota'i 'ua mate'anga, ē i muri ake i te reira ko te 'akavā'anga ia.
28Isa 53.12Mei te reira katoa tō te Mesia 'e 'aka'ātinga'anga'ia 'okota'i 'ua nō te 'apai kē atu i te au 'ara a te tangata 'e mānganui, ē ka mama 'aka'ou mai rā aia, kāre rā nō te 'ara, nō te 'apai mai rā i te rāvenga ora nō te au tangata tei tāpapa atu i aia.
Who We AreWhat We EelieveWhat We Do
2025 by iamachristian.org,Inc All rights reserved.
