Apokalupo 2 - Cook Island Maori Revised New Testament(CIMRNT)

Te karere ki te 'Ēkālēsia o Ēphēsia

1“E tātā koe ki te 'āngela o te 'ēkālēsia i Ēphēsia:

Ko ia tē mou nei i te au 'ētū e 'itu i tōna rima katau ē tē 'ā'āere nei nā roto i te au lāmepa e 'itu, tē nā kō maira aia:

2Tē kite nei au i tā'au 'anga'anga, tō'ou ro'iro'i ē tō'ou tū tāmou mārie. Tē kite nei au ē, kāre e rauka i a koe i te 'akakoromaki i te aronga kikino; ē kua tīmata atu koe i te aronga tei 'akakite 'ua ē, 'e au 'āpōsetolo rātou, ē kāre tikāi rā rātou i te 'āpōsetolo; ē kua kitea e koe ē, 'e au pikika'a rātou.

3'E 'akakoromaki tō'ou, ē kua ma'ata te au mate tā'au i 'apai nō tōku nei ingoa, ē tē tinamou nei rāi koe.

4Inārā, tēia taku 'aka'apa'anga i a koe: kua 'akaruke koe i tō'ou 'inangaro mua.

5Ē tēnā na, e ma'ara koe i te teitei o te ngā'i mei reira tō'ou 'inga'anga; e tatarā'ara ē e rave 'aka'ou i tā'au 'anga'anga mua. Kia kore rā, kia kore koe e tatarā'ara, ka tae atu au ē ka 'akaātea au i tō'ou lāmepa mei tōna ngā'i.

6Ko tēia rā tā'au mea meitaki: tē mākitakita nei koe i te 'anga'anga a te au pipi a Nīkola, ko tāku katoa e mākitakita nei.

7 a: Gen 2.9; Apo 22.2; b: Ezek 28.13; 31.8 'E taringa tōna ra, ka 'akarongo aia i tā te Vaerua e tuatua mai nei ki te au 'ēkālēsia.

Ko tei 'autū ra, ka 'ōronga atu au ki aia i te tika kia kai i te 'ua o te rākau o te ora e tū i roto i te pārataito o te Atua.

Te karere ki te 'Ēkālēsia o Semurina

8 Isa 44.6; 48.12; Apo 1.17; 22.13 “E tātā koe ki te 'āngela o te 'ēkālēsia i Semurina:

Ko te mōmua ē te 'openga, tei mate ana ē tē ora nei rāi, tē nā kō maira aia:

9Tē kite nei au i tō'ou tūmatetenga ē tō'ou puta'ua, 'e 'apinga nui rā koe. Tē kite katoa nei au i te 'akakino'anga nō kō mai i a rātou tei 'akakite ē, 'e au Ngāti Iūda rātou. Kāre rātou i tē Ngāti Iūda, 'e sūnago rā rātou nō Sātani.

10Auraka koe e mataku i te au mea e roko'ia mai ei koe. Inā, ka titiri te Tiāporo i tēta'i pae o kōtou ki roto i te 'are 'āuri i te tīmata i a kōtou. Ka tākinga kino'ia kōtou e ta'i nga'uru pō. E tāmou mārie rā koe e tae 'ua atu ki te matenga, ē nāku e 'ōronga atu ki a koe i te ora 'ei korōna.

11 Apo 20.14; 21.8 'E taringa tōna ra, ka 'akarongo aia i tā te Vaerua e tuatua mai nei ki te au 'ēkālēsia.

Ko tei 'autū ra, kāre rava ia e kino i te rua o te mate.

Te karere ki te 'Ēkālēsia o Peregamo

12“E tātā koe ki te 'āngela o te 'ēkālēsia i Peregamo:

Ko ia tē mou nei i te koke kokoi matarua, tē nā kō maira aia:

13Tē kite nei au i te ngā'i tā'au e no'o nei, ko te ngā'i 'oki o tō Sātani terōno. Tē mou mārie nei rā koe i tōku ingoa, ē kāre rāi koe i 'u'una i tō'ou 'irinaki'anga i āku i te au rā i riro ei a Anitipa 'ei kite mou nōku ra. Kua tā'ia 'oki aia i rotopū i a kōtou i te ngā'i i no'o'ia e Sātani.

14a: Num 22.5,7; 31.16; Deut 23.4; b: Num 25.1-3Inārā, tēia ēta'i 'aka'apa'anga nāku i a koe: tei ko nā i a koe na te aronga i 'āriki i te 'āpi'i'anga a Bālaama ra. Kua 'āpi'i 'oki aia i a Bālaka kia tuku i te tūrori'anga ki mua i te tamariki a Īserā'ela, koia 'oki, te kai i te mea i 'aka'ātinga'ia nā te au 'ītoro ē te 'akaturi 'oki.

15Pērā katoa, tei a koe na 'oki te aronga tei 'āriki i te 'āpi'i'anga a te au pipi a Nīkola mei tērā rāi te tū.

16E tatarā'ara koe. Kia kore rā, ka tae viviki atu au ki a koe na, ē ka tamaki atu au i a rātou ma te koke nō roto mai i tōku va'a.

17 a: Exo 16.14,15; 16.33,34; Ioa 6.48-50; b: Isa 62.2; 65.15 'E taringa tōna ra, ka 'akarongo aia i tā te Vaerua e tuatua mai nei ki te au 'ēkālēsia.

Ko tei 'autū ra, ka 'ōronga atu au ki aia i tēta'i tu'anga o te māna 'u'una'ia, ē ka 'ōronga katoa atu au i tēta'i toka teatea nāna ma tēta'i ingoa 'ōu i tātā'ia ki runga, ko tei kore rava i kitea e tēta'i tangata ake, māri rā ko tei rave i te reira ra.

Te karere ki te 'Ēkālēsia o Tuatira

18“E tātā koe ki te 'ēkālēsia i Tuatira:

Ko te Tamaiti a te Atua, mei te mura a'i ra ōna mata, ē mei te veo meitaki ra ōna vaevae, tē nā kō maira aia:

19Tē kite nei au i tā'au au 'anga'anga, koia 'oki, tō'ou aro'a, tō'ou 'akarongo, tō'ou tāvini'anga ē tō'ou tāmou mārie'anga. Ē tā'au au 'anga'anga 'openga 'e meitaki atu ia i tei muatangāna.

201 Arik 16.31; 2 Arik 9.22,30Inārā, tēia taku 'aka'apa'anga i a koe: tē 'akatika 'ua nei koe i tā taua va'ine ra ko Iezebela, ko tei 'akakite ē 'e peroveta aia, ē tē arataki kē nei i tōku au tāvini nā roto i te 'āpi'i i te 'akaturi ē te kai i te mea i 'aka'ātinga'ia nā te au 'ītoro.

21Kua 'ōronga atu au i te taime nōna kia tatarā'ara, kāre rā aia e 'inangaro i te tatarā'ara i tāna 'akaturi'anga.

22Inā, ka tuku atu au i aia ki runga i te ro'i maki, ē ka tuku atu au i te tūmatetenga ma'ata ki te aronga tei 'akaturi i aia mē kore rātou e tatarā'ara i tā rātou i rave ana.

23a: Sal 7.9; Ier 17.10; b: Sal 62.12Ē e 'ope tākiri tāna au tamariki i te mate i āku. Ē ka kite te au 'ēkālēsia kātoatoa ē, ko au rāi ia e 'ākara matariki nei i te au manako ē te ngākau. Ē nāku e 'ō atu ki a kōtou tātakita'i i tei tau ki tā kōtou 'anga'anga.

24Tē 'akakite atu nei au ki tēta'i pae o te aronga i Tuatira, koia 'oki, ko tei kore i 'āriki ana i taua 'āpi'i'anga ra, ē kāre katoa 'oki i kite i te au mea tei karanga'ia ē ‘te muna 'ō'onu a Sātani’; kāre au e tuku i tēta'i 'apainga kē atu ki runga a'o i a kōtou,

25māri rā kia mou mārie rāi kōtou i tā kōtou i rauka na e tae 'ua atu ki taku 'aere'anga mai.

26Sal 2.8,9Ko tei 'autū ra ē tei 'ākono i tāku 'anga'anga e tae 'ua atu ki te 'openga, ka 'ōronga atu au ki aia i te mana ki runga i te au 'iti tangata,

27'e mana 'oki mei tāku i rauka nō kō mai i taku Metua. Ē nāna i reira e tūtara i a rātou ma te sepeta 'āuri ra, ē e 'unga'ungā tītī i a rātou mei te pōtera karakaraea.

28Ka 'ōronga katoa atu au i te 'ētū pōpongi ki aia.

29'E taringa tōna ra, ka 'akarongo aia i tā te Vaerua e tuatua mai nei ki te au 'ēkālēsia.