1Kia vai mārie mai rāi te aro'a taeake.
2Gen 18.1-8; 19.1-3Auraka e 'akangaropōina i te 'āriki mai i te au tangata kekē i tō kōtou au kāinga. Kua 'akapērā 'oki tēta'i pāpāki tangata, ē kua 'āriki mai rātou i te au 'āngela ma te kore i kite ē 'e au 'āngela te reira.
3E 'akamanako i te au mou'āuri, mei te mea rāi ē tei roto katoa kōtou i te 'are 'āuri. Ē e 'akamanako katoa ra i te aronga i tākinga kino'ia ra, mei te mea rāi ē i tākinga kino katoa'ia maira kōtou.
4Kia 'akangāteitei'ia te 'akaipoipo'anga e te au tangata rava rāi, ē kia 'ākono'ia te tia 'akaipoipo'anga, nō te mea, ka 'akavā 'oki te Atua i te aronga 'akaturi ē te moeāana ra.
5 Deut 31.6,8; Iosu 1.5 'Ei ora'anga noinoikore tō kōtou i te moni, kia mareka rā kōtou i tei rauka mai i a kōtou. Ko te Atua 'oki tei 'akakite mai ē, “Kāre au e 'akaruke i a koe, kāre tākiri au e 'akangaropōina i a koe.”
6Sal 118.6Nō reira, kia māro'iro'i tātou, ē kia tuatua atu ē,
“Ko te 'Atu tōku tauturu,
kāre au e mataku;
noa atu ē 'e a'a tā te tangata ka rave mai ki āku.”
7Auraka e 'akangaropōina i tō kōtou au arataki tei 'akakite mai ki a kōtou i te karere a te Atua. E 'ākara mārie i te tū o tō rātou ora'anga ē tō rātou mate'anga, ē e āru i tō rātou 'irinaki'anga i te Atua.
8'Okota'i rāi o Iēsū Mesia tū, i nana'i, i tēia rā nei, ē e tuātau 'ua atu.
9Auraka kōtou e arataki kē'ia nā roto i te au tū 'āpi'i'anga tikakore. 'E mea meitaki kia rauka mai i a tātou tō tātou māro'iro'i vaerua nō kō mai i te aro'a 'ua o te Atua, auraka nō kō mai i te au ture nō runga i te kai. Ko te aronga 'oki tei 'ākono i te reira, kāre 'e pu'apinga i rauka mai i a rātou.
10Ko te au ta'unga tei raverave i roto i te ngā'i 'akamori'anga Ngāti Iūda, kāre ō rātou tika'anga kia kāpiti ki a tātou i te raverave'anga i tō tātou 'atarau.
11Lev 16.27Tē 'apai nei 'oki te Ta'unga Ma'ata i te toto o te au 'ānimara 'aka'ātinga'ia ki roto i te Ngā'i Tapu rava 'ei tārangā'ara, tē tutungi'ia nei rā tō rātou kōpapa i va'o ake i te ngā'i pū'ākapa'anga o te tangata ra.
12Nō reira, kua mate katoa a Iēsū ki va'o ake i te ngūtupa o te 'ōire kia 'akatapu aia i te 'iti tangata nā roto i tōna 'ua'orāi toto.
13Ē tēianei, e 'aere tātou ki aia ra ki va'o ake i te ngā'i pū'ākapa'anga o te tangata, ē kia 'akakino katoa'ia mai tātou mei aia rāi i 'akakino'ia ra.
14Kāre 'oki ō tātou 'ōire tinamou i konei, tē umuumu nei rā tātou i taua 'ōire ra nō ā muri atu.
15E 'apai atu tātou i tā tātou 'akapa'apa'a'anga 'ei 'ātinga ki te Atua nā roto i a Iēsū i te au 'ati'anga rava rāi, koia 'oki, kia 'a'aki tō tātou au va'a i tōna ingoa.
16'Eia'a e 'akangaropōina i te tākinga meitaki nā roto i te tauturu'anga tēta'i i tēta'i. 'E 'ātinga 'oki te reira tei mareka'ia e te Atua.
17E kauraro i tō kōtou au arataki nā roto i te 'ākono i tā rātou au 'akaue'anga. Tē tiaki tāmou ra rātou i tō kōtou vaerua, ē kia 'akakite rātou i te tuatua ki te Atua nō runga i a kōtou e tikāi. Mē kauraro kōtou, ka rauka i a rātou i te rave i te reira ma te rekareka; mē kāre rā kōtou e kauraro, ka rave rātou i te reira ma te auē, ē kāre ō kōtou pu'apinga i reira.
18E tāmou i te pure i a mātou. 'E mea pāpū 'oki i a mātou ē, 'e 'akavā ngākau mā tō mātou, nō te mea, tē 'akakoro nei mātou i te rave i te mea tika i te au 'ati'anga rava rāi.
19Ē tē 'akamāro'iro'i atu nei au i a kōtou kia ma'ata atu te pure kia 'oki viviki atu au ki a kōtou.
'Akameitaki'anga ē te ve'eve'e'anga aro'a20-21Kua 'aka'oki mai te Atua i tō tātou 'Atu i a Iēsū mei te mate maira. Ko ia 'oki te tiaki māmoe ma'ata tei 'akatupu i te kōreromotu mutukore nā roto i tōna mate'anga. Kia 'ōronga mai te Atua o te 'au ki a kōtou i te au meitaki rava rāi nō te 'ākono i tōna anoano. Ē kia 'akatupu mai aia i roto i a tātou i te mea e mareka ai aia nā roto i a Iēsū Mesia. 'Ei aia te kakā e tuātau 'ua atu. Āmene.
22Tē pati nei au ki a kōtou, e aku au taeake, e 'āriki meitaki mai i tēia karere 'akamāro'iro'i; 'e mea poto 'ua 'oki tāku tātā'anga ki a kōtou.
23Tē 'inangaro nei au kia kite kōtou ē, kua tukuna'ia mai tō tātou taeake a Tīmōteo ki va'o mei roto mai i te 'are 'āuri. Mē ka tae viviki mai aia, ka 'ārāvei māua i a kōtou.
24E aro'a atu i tō kōtou au arataki rava rāi ē te aronga tapu katoa ra. Tē aro'a atu nei te au taeake nō Ītālia i a kōtou.
25'Ei a kōtou rava rāi te aro'a 'ua o te Atua. Āmene.
Who We AreWhat We EelieveWhat We Do
2025 by iamachristian.org,Inc All rights reserved.
