1 Phil 3.5 Ē tēianei, tēia taku ui'anga: Kua 'akaruke āina te Atua i tōna 'iti tangata? Kāre rava ia! Ko au nei 'oki, 'e Ngāti Īserā'ela rāi au, nō te 'uānga a Āberahāma, nō te kōpū o Bēniāmina.
2Kāre rā te Atua i 'akaruke i tōna 'iti tangata, tāna i 'iki ana i muatangāna ra. Kāre āinei kōtou i kite i tā te tuatua i tātā'ia ra tei 'akakite mai nō runga i a Ēlia? Kua 'aka'apa aia i te Ngāti Īserā'ela ki te Atua i te nā kō'anga atu ē,
31 Arik 19.10,14“E te 'Atu, kua tā ake nei rātou i te au peroveta nā'au ra, kua 'uri i tā'au au 'atarau ki raro, ē ko au anake 'ua nei tei toe, ē tē kimi mai nei rātou i te rāvenga kia mate au.”
41 Arik 19.18Tē pē'ea maira rā tā te Atua pa'u'anga mai ki aia? “Kua vao'o au e 'itu tauatini tangata nōku 'ua'orāi tei kore i 'akamori i te 'ītoro ra ko Baala.”
5Pērā katoa 'oki i tēia tuātau nei: tē vai nei rāi tēta'i toenga tei 'iki'ia e te Atua i tōna aro'a 'ua.
6Kua 'iki aia i a rātou nō tōna aro'a 'ua, kāre nō tā rātou 'anga'anga. Nāringa 'oki ē nō tā rātou 'anga'anga, kāre atura te aro'a 'ua i te aro'a 'ua tikāi.
7'E a'a i reira? Kāre rāi i rauka i a Īserā'ela tāna i kimi ra; kua rauka anake rā i te aronga i 'iki'ia ra. Ē kua 'akamārōki'aki'a'ia tēta'i pāpāki,
8Deut 29.4; Isa 29.10mei tei tātā'ia ra ē, “Kua tuku mai te Atua i te ngākau māramakore ki a rātou, te mata 'ākarakore ē te taringa 'akarongokore e tae rava ake nei ki tēianei rāi rā.”
9Sal 69.22,23Ē tē 'akakite maira a Dāvida ē,
“Kia riro tā rātou kaingākai ra 'ei 'ere'ere ē 'ei kupenga,
ē 'ei tūrori'anga, ē 'ei utunga 'oki nā rātou.
10Kia 'akapōiri'ia tō rātou mata kia kore rātou e 'ākara,
ē kia piko 'oki tō rātou tua ki raro 'eia'a e tukutuku.”
11E ui ana rā au, kua tūrori āina tō Īserā'ela kia 'inga tākiri rava? Auraka rava ia! Inārā, kua tae mai te rāvenga ora ki te 'ētene nā roto i tā Īserā'ela 'ara, 'ei 'akakōkō'anga atu i a Īserā'ela kia vare'ae rātou i te au 'ētene.
12Mei te mea ē, kua riro tā Īserā'ela 'ara 'ei pu'apinga nō tō te ao nei, ē te meangiti'anga o tō rātou aronga 'iki'ia 'ei pu'apinga nō te au 'ētene, ka tanga atu ei mē 'akaora'ia te ma'ata'anga o Īserā'ela.
Te rāvenga ora o te au 'ētene13Ē tē tuatua atu nei au i tēianei ki a kōtou, e te au 'ētene ē. Ko au nei 'oki te 'āpōsetolo nō te au 'ētene, ē tē parau nei au i taua tao'onga nōku ra;
14pēnei ake ka rauka pa'a i āku i te 'akakōkō i tōku 'iti tangata kia vare'ae atu rātou i a kōtou ē kia 'akaora'ia tēta'i pāpāki e au.
15Nō te mea, mē ko tō rātou 'akaruke'anga'ia ra te 'aka'ongi'anga ia o tō te ao nei, ka 'akapē'ea i reira tō rātou 'āriki 'aka'ou'anga'ia? Ko te ora 'oki ia o te au mate ra!
Ko te Ngāti Iūda rāi te 'iti tangata 'iki'ia16Mē kua 'akatapu'ia te pōpō ra, ko te varāoa katoa rāi ia. Ē mē kua 'akatapu'ia te aka rākau ra, ko te au rārā katoa rāi ia.
17Mei te mea ē, kua 'a'ati kē'ia tēta'i pāpāki o te au rārā ra, ē ko koe 'oki, te pū 'ōlive ngāngā'ere tei pa'u'ia mai ki tō rātou ngā'i, ē tē kai maira koe i te meitaki mei roto mai i te aka o taua pū 'ōlive meitaki ra,
18auraka koe e 'akati'eti'e ki runga i taua au rārā ra. Kāre e tau kia 'akati'eti'e koe; kāre 'oki ē ko koe te aka, ko te aka rā tei 'āngai mai i a koe.
19E tuatua mai rā koe, “Kua 'a'ati kē'ia taua au rārā ra kia pa'u'ia au ki tō rātou ngā'i.”
20'E tika rāi ia! Kua 'a'ati kē'ia rātou nō tō rātou 'irinakikore, ko koe rā, tē mou ra koe i tō'ou ngā'i nō tō'ou 'irinaki'anga. Auraka rā koe e ngākau parau i reira, e mataku rā.
21Mei te mea ē, kāre te Atua i 'akaperepere i te au rārā mua tikāi, pēnei ake kāre katoa rāi aia e 'akaperepere mai i a koe.
22Ē tēianei, e ma'ara ana tātou i te tākinga meitaki ē te 'akapereperekore o te Atua: ko te 'akapereperekore o te Atua tei runga ia i te aronga i 'inga ra; ko tāna tākinga meitaki rā tei runga ia i a koe, mē ka 'akatinamou koe i roto i tōna tākinga meitaki. Kia kore rā, ka kokoti kē katoa'ia koe.
23Ē ko rātou rā, mē kore rātou e 'akatinamou i tō rātou 'irinakikore'anga ra, ka pa'u'ia mai rātou ki tō rātou ngā'i. Ka tika 'oki i te Atua i te pa'u 'aka'ou mai i a rātou.
24Mei te mea ē, ko koe i kokoti kē'ia mei runga mai i te pū 'ōlive ngāngā'ere ra, tei pa'u'ia mai ki runga i te pū 'ōlive meitaki ra, ka tanga atu ei kia pa'u'ia te au rārā mua tikāi ki runga i tō rātou pū 'ōlive.
Nō te kātoatoa te aro'a o te Atua25E aku au taeake ē, tē 'inangaro nei 'oki au kia mārama meitaki kōtou i tēta'i mea muna ngaro, kia kore 'oki kōtou e manako i roto i a kōtou 'ua'orāi ē, 'e aronga pakari kōtou. Ko tēia 'oki taua mea muna ngaro ra: kua tupu te mārōki'aki'a ki ō tēta'i pāpāki o Īserā'ela kia ō roa mai te ma'ata katoa'anga o te au 'ētene ra,
26Isa 59.20,21ē pērā e 'akaora'ia ai tō Īserā'ela rava rāi, mei tei tātā'ia ra ē,
“Ka tae mai te 'Akaora mei roto mai i a Siona
ka 'akatakakē atu aia i te tū 'ākonokore Atua mei a Iākōba atu.
27 Isa 27.9 Ē ko tēia 'oki tāku kōreromotu ki a rātou,
mē 'apai kē atu au i tā rātou au 'ara.”
28I te pae o te 'ēvangelia, 'e 'enemi rātou nō te Atua nō kōtou ra 'oki; i te pae o te 'iki'anga rā, 'e aronga 'akaperepere'ia rātou e te Atua nō tō rātou 'ui tupuna ra 'oki.
29Nō te mea, kāre te Atua e taui i tōna manako nō te 'apinga aro'a tāna i 'ōronga mai ē te aronga tāna i 'iki ra.
30Mei a kōtou 'oki kāre i kauraro i te Atua i muatangāna, kua aro'a'ia mai rā kōtou i tēianei nō tō rātou 'akarongokore,
31pērā katoa rātou kāre e kauraro ana i tēianei, ē ko kōtou rā, kua aro'a'ia mai kōtou kia aro'a katoa'ia mai rāi rātou.
32Kua 'akariro 'oki te Atua i te tangata rava rāi 'ei mou'āuri nō te kaurarokore, kia rauka i aia i te aro'a mai i a rātou rava rāi.
Te kakā o te Atua33 Isa 55.8 Auē te 'ō'onu o te aro'a pāpānunui ē te pakari ē te kite o te Atua ē! Auē te kimi'anga taeakore o tāna tuku'anga tika ē tōna au 'aerenga i te kiteakore kia kimi ē!
34 Isa 40.13 “Ko 'ai 'oki tei nakiro i te ngākau o te 'Atu?
Mē kāre, ko 'ai ia tōna tumu kōrero?
35 Iob 41.11 Mē kāre, ko 'ai tei 'ōronga atu i tēta'i mea nāna,
ē ka 'ō mai'ia te tūtaki ki aia?”
36 1 Kōr 8.6 Nāna i 'anga i te au mea kātoatoa; tē vai nei rātou nāna, ē nāna rāi i 'akatinamou i te reira. 'Ei aia te kakā e tuātau 'ua atu. Āmene!
Who We AreWhat We EelieveWhat We Do
2025 by iamachristian.org,Inc All rights reserved.
