2 Tesalōnia Nō runga i tēia leta - Cook Island Maori Revised New Testament(CIMRNT)

Nō runga i tēia letaKua 'akamata a Paulo i tēia leta ki te au Keretitiāno i Tēsālōnia nā roto i te 'akameitaki'anga i te Atua nō tō rātou tāmou'anga i te 'akarongo ē te aro'a (1.3). 'E ma'ata tō rātou au tākinga kino'anga'ia ē tō rātou tūmatetenga. Tē 'akapāpū nei rā a Paulo ē, ko tā te Atua mataara tēia i te tīmata i tō rātou 'akarongo ē kāre tākiri i te tākinga kino i a rātou (1.4,5).Kua tuatua tāpikipiki tēta'i tangata i Tēsālōnia ē, 'e leta tāna nō kō mai i a Paulo i te 'akakite mai ē, kua tae mai rāi te 'Atu (2.2). Tē 'akamatakite nei a Paulo i te 'ēkālēsia ē, auraka rātou e vāvare! Kāre te 'Atu e tae mai kia kore te tangata 'ara, koia 'oki, te tamaiti o te mate mutukore (2.3) e 'akakite'ia mai nā mua.Tē 'akamatakite nei a Paulo i a rātou nō runga i te no'o 'anga'angakore 'ua (3.6-10). Ē tē 'akakite nei aia ki te 'ēkālēsia kia matakite rātou i te au taeake tei kore e 'ākono i tāna i tātā mai i roto i tēia leta nei.Kua 'akaoti te leta nā roto i tēia pure:“Nā te 'Atu 'ua'orāi, te tumu o te 'au, e 'ōronga mai i te 'au ki a kōtou i te au 'ati'anga rava rāi nā roto i te au rāvenga rava rāi. 'Ei a kōtou kātoatoa te 'Atu” (3.16).Te 'akano'ono'o'anga o tēia leta1. Te aro'a'anga 1.1-22. Te 'akavā'anga kia tae mai te 'Atu 1.3-123. Te au mea te ka tupu i mua ake i te tae'anga mai o te 'Atu 2.1-124. Kua 'iki'ia kōtou nō te rāvenga ora 2.13-175. Te pure ē te 'anga'anga 3.1-156. Te ve'eve'e'anga aro'a 3.16-18