1E topa akera ngā rā e ono kua arataki atura a Iēsū i a Pētero, i a Iākōbo ē tōna teina i a Ioane, ki runga i tēta'i maunga teitei, ko rātou anake ra.
2Ē kua 'akatūkē'ia aia ki mua i a rātou, kakā atura tōna mata mei te rā ra, e teatea atura tōna kāka'u mei te mārama ra.
3Ē inā, kua mama maira a Mōse rāua ko Ēlia ki a rātou ra i te tuatua'anga mai ki aia.
4Ē kua karanga atura a Pētero ki a Iēsū, nā kō atura, “E te 'Atu, 'e mea meitaki kia no'o tātou i konei. Mē ka tika i a koe, e 'akatū au i e toru 'are pū'ākapa i konei: 'okota'i nō'ou, 'okota'i nō Mōse ē 'okota'i nō Ēlia.”
5 Tē tuatua 'aka'ou nei a Iēsū i tōna matenga(Māreko 9.30-32; Luka 9.43b-45)
22Ē tō te au pipi putuputu'anga i Galilea i karanga atu ei a Iēsū ki a rātou, “E riro te Tamaiti a te Tangata nei i te tuku'ia atu ki roto i te rima tangata,
23ē e tā tākiri rātou i aia, ē i te toru o te rā e 'akatū'aka'ou'ia mai ei aia.” E taitaiā ma'ata rava atura rātou.
Te tūtaki'anga i te tero nō te 'iero24 Exo 30.13; 38.26 E tae atura a Iēsū ē tāna au pipi ki Kāperenāuma, kua 'aere maira te aronga e ko'i ana i te tero nō te 'iero ki a Pētero, nā kō maira, “Tē tūtaki āina tō kōtou pū'āpi'i i te tero nō te 'iero?”
25Kua pa'u atura aia, “Āe.”
Ē i te tomo'anga atu a Pētero ki roto i te 'are, kua manako kē ana a Iēsū i te tuatua mai ki aia, nā kō maira, “'E a'a tō'ou manako, e Simona? Mei ko mai i a 'ai tō te 'ui ariki o tēianei ao ko'i'anga mai i te 'apinga 'uipā ē te tero? Mei tā rātou 'ua'orāi tamariki āina, mē kāre, mei te tangata kē āina?”
26Kua pa'u atura a Pētero, “Mei te tangata kē.” Kua tuatua maira a Iēsū ki aia, “Nō reira, kua rangatira te tamariki.
27Inārā, ko te kinokino mai ā'ea rātou i a tātou nei, e 'aere atu koe ki te pae tai, e titiri atu ei i tēta'i matau, ē ka 'apai mai ei i te ika mua i kai maira. Ē kia 'a'ae koe i tōna va'a ra, ka kite koe i tēta'i moni 'ārio, ko tā'au ia e 'apai atu ē e 'ōronga ki a rātou nā tāua katoa.”
Who We AreWhat We EelieveWhat We Do
2025 by iamachristian.org,Inc All rights reserved.
