1 Ioa 1.1 Tē tātā nei mātou nō runga i te Tuatua o te ora. Kua vai ana 'oki ia mei muatangāna mai rāi, ē kua 'akarongo mātou, kua kite mātou ki tō mātou 'ua'orāi mata, kua 'ākara mātou ē kua 'āmiri tō mātou rima i aia.
2Ioa 1.14Ē ko taua ora ra 'oki i 'akaāri'ia mai, kua 'ākara mātou i te reira ē tē 'akakite 'ua atu nei mātou. Ē tē tuatua katoa atu nei mātou ki a kōtou i taua ora mutukore ra tei vai ana 'oki ki te Metua ē tei 'akaāri'ia mai ki a mātou.
3Ko tā mātou i 'ākara ana ē tā mātou i 'akarongo ana, tā mātou rāi ia e 'akakite atu nei ki a kōtou kia piri katoa mai kōtou ki a mātou. Kua piri 'oki mātou ki te Metua ē ki tāna Tamaiti ko Iēsū Mesia.
4Tē tātā atu nei mātou i tēia au mea ki a kōtou kia kī 'ua rāi mātou i te rekareka.
Ko te Atua ko te mārama mou ia5Tēia 'oki te karere tā mātou i 'akarongo ana nō kō mai i aia, ē tā mātou e 'akakite atu nei ki a kōtou: 'E mārama te Atua, ē kāre 'ua 'e pōiri i roto i aia.
6Kia karanga 'oki tātou ē, tē piri nei tātou ki aia, ē tē 'ā'āere 'ua nei tātou i roto i te pōiri, kua pikika'a tātou ē kāre e āru i te tuatua mou.
7Kia 'ā'āere rā tātou i roto i te mārama, mei aia rāi i roto i te mārama, tē piri nei tātou tēta'i ki tēta'i, ē nā te toto o tāna Tamaiti ko Iēsū Mesia e tāmā 'ua mai nei i a tātou i te au 'ara rava rāi.
8Kia karanga tātou ē, kāre ā tātou 'ara, tē arataki kē nei tātou i a tātou 'ua'orāi, ē kāre te tuatua mou i roto i a tātou.
9Kia 'a'aki rā tātou i tā tātou au 'ara, ka 'akakore mai aia i tā tātou au 'ara ē ka tāmā mai i a tātou i te au 'anga'anga tikakore rava rāi, nō te mea, e tuatua tika tāna ē te tau kia 'irinaki'ia.
10Kia karanga tātou ē, kāre tātou i 'ara ana, kua 'akariro tātou i aia 'ei pikika'a, ē kāre tāna tuatua i roto i a tātou.
Who We AreWhat We EelieveWhat We Do
2025 by iamachristian.org,Inc All rights reserved.
