1Kāre āina au i te tangata rangatira? Kāre āina au i te 'āpōsetolo? Kāre āina au i kite mata ana i a Iēsū tō tātou 'Atu? Kāre āina ē ko kōtou te pu'apinga nō taku 'anga'anga nō te 'Atu?
2Mei te mea ē kāre au i te 'āpōsetolo nō tēta'i pāpāki ra, nō kōtou rā ē 'āpōsetolo tikāi rāi au; i te mea ē, ko kōtou te 'akairo nō tāku nei 'anga'anga 'āpōsetolo nō te 'Atu.
3Ko tēia 'oki taku tuatua pāruru ki te aronga e 'aka'apa mai i āku nei:
4Kāre āina ō mātou tika'anga kia kai ē kia inu?
5Kāre āina ō mātou tika'anga kia taki 'aere i te tua'ine va'ine mou i tō mātou tere mei ēta'i 'āpōsetolo ra, mei te au taeake o te 'Atu ra, ē i a Pētero?
6Mē kāre rā, ko au ē Bānaba anake 'ua āinei tei umuumu'ia kia 'anga'anga rima?
7Ka 'aere āina tēta'i 'ua atu va'e'au ki te tamaki ma te tūtaki i tāna 'ua'orāi? Ko 'ai tei tanu i te kāingā vine ma te kore rava i kai i tōna 'ua? Ko 'ai tei tiaki i te 'ānana māmoe ra ma te kore i kai i te ū?
8Ko tēia tuatua nāku nei, kāre ē ko tā te tangata 'ua ia. Kāre āina ē, kua pērā katoa mai te Ture?
9Deut 25.4; 1 Timo 5.18Kua tātā'ia 'oki ki roto i te Ture a Mōse ra ē, “Auraka koe e tōpiri i te va'a o te puakatoro e takataka'i ra i te sītona.” Ko te puakatoro āina tā te Atua e ma'ara maira?
10Kāre āina ē, nō tātou tikāi i tuatua mai ei aia? Nō tātou nei 'oki i tātā'ia ai te reira. Nō te mea ko te tangata 'ārote ra kia 'ārote aia e tikāi ma te tāpapa atu i tēta'i tu'anga o taua kai ra, ē ko te pāpā sītona ra kia pāpā aia e tikāi ma te tāpapa atu rāi.
11Rōm 15.27Mei te mea ē, kua rūrū mātou i te au meitaki vaerua i rotopū i a kōtou na, 'e ma'ata roa āina kia kokoti mātou i tō kōtou au meitaki kōpapa nei?
12Mei te mea ē, kua tukuna'ia tō kōtou tika'anga i taua mea ra ki tēta'i pāpāki, kāre āina ē kia nā mua ki a mātou e tikāi?
Kāre rā mātou i 'akapu'apinga i taua tika'anga ra, inārā, kua 'akakoromaki mātou i te au mea katoa nei, kia kore mātou e 'akatupu i tēta'i ārai nō te 'ēvangelia o te Mesia ra.
13Deut 18.1Kāre āina kōtou i nakiro ē, ko te aronga tei rave i te 'anga'anga i roto i te 'iero ra, kua rauka mai te kai nō roto mai i te 'iero ra; ē te aronga raverave i te 'atarau ra, kua tū rātou i tō te 'atarau ra?
14Māt 10.10; Luk 10.7Pērā katoa kua 'akaue mai te 'Atu ki te aronga tei tūtū 'aere i te 'ēvangelia, kia ora rātou i te 'ēvangelia.
15Inārā, kāre au i rave i tēta'i o taua au mea ra. Kāre 'oki au i tātā i tēia kia rauka i āku taua au mea ra. 'E ngari ake kia mate au, kia kore rava tēta'i tangata e 'akariro i tāku pa'apa'a'anga 'ei mea pu'apingakore 'ua.
16Mē tē tūtū 'aere nei rāi au i te 'ēvangelia, kāre ōku tika'anga kia ngākau parau. Kua tuku'ia mai 'oki te reira 'ei 'anga'anga ki runga i āku. E 'ae 'oki au nei mē kore au e tūtū 'aere i te 'ēvangelia!
17Nāringa rā ē, tē rave nei au i te reira nō tōku 'ua'orāi 'inangaro, te tika'anga 'e tūtaki tōku; i te mea rā ē, kāre ē nō tōku 'ua'orāi 'inangaro, kua tukuna'ia maira tēta'i tao'onga nōku.
18'E a'a i reira tāku tūtaki? Ko tēia 'ua, kia tika 'ua i āku i te tūtū 'aere i te 'ēvangelia ma te tūtakikore; kia tika 'oki i āku kia kore au e 'akapu'apinga i tōku au tika'anga i roto i te 'ēvangelia nei.
19Noa atu ē 'e tangata rangatira au ē kāre i te tuika'a nō tēta'i 'ua atu tangata, kua 'akariro rā au i āku 'ua'orāi 'ei tuika'a nō te kātoatoa rava kia ma'ata 'ua atu te tangata tāku ka rauka mai.
20Ki te Ngāti Iūda ra kua riro au 'ei Ngāti Iūda kia rauka i āku te Ngāti Iūda; ki te aronga i raro ake i te Ture ra, kua riro au 'ei tangata i raro ake i te Ture, noa atu ē, kāre au i raro ake i te Ture, kia rauka i āku te aronga i raro ake i te Ture ra.
21Ki te aronga turekore ra, kua riro au 'ei tangata turekore, kia rauka i āku te aronga turekore rāi. Kāre rā au i te tangata turekore i te Atua ra, tei raro 'oki au i te ture a te Mesia ra.
22Ki te aronga paruparu ra, kua riro au 'ei tangata paruparu, kia rauka i āku te aronga paruparu. Kua riro au 'ei au mea katoa ki te tangata kātoatoa nei, kia 'akaora au i tēta'i pāpāki nā roto i tēta'i 'ua atu rāvenga.
23Nō te 'ēvangelia 'oki i pērā ai au kia rauka mai i āku tēta'i tu'anga o te au meitaki o te 'ēvangelia ra.
24Kāre āina kōtou i nakiro ē, i runga i te ta'ua 'oro'anga ka tā'emo'emo te aronga 'oro rava rāi, 'okota'i 'ua rā te ka rave i te rē. E 'oro ra mei te reira te tū kia rauka te rē i a kōtou.
25Ko te aronga tā'emo'emo ra, ka 'akavī rātou i a rātou 'ua'orāi i te au mea rava rāi. I pērā 'oki rātou kia rauka te korōna pē 'ua, kāreka tātou kia rauka te korōna pēkore.
26Ko tēia 'oki te tumu e 'oro nei au. Kāre au mei te tangata kāre ōna 'akakoro'anga. Tē moto nei au kāre mei tēta'i tangata e moto 'ua nei i te matangi ra.
27Tē 'akavī nei rā au i tōku kōpapa ē tē 'akariro nei au i te reira 'ei tuika'a nāku, ko te riro ā'ea au tei ako atu i ēta'i kē ra, 'ei tangata 'ārikikore'ia mai.
Who We AreWhat We EelieveWhat We Do
2025 by iamachristian.org,Inc All rights reserved.
