Apokalupo 4 - Cook Island Maori Revised New Testament(CIMRNT)

Tō te rangi 'akamori'anga

1I muri ake i taua au mea ra i 'ākara ana au, ē inā, tei te rangi 'e ngūtupa ma'eu'ia, ē te reo tāku i 'akarongo ana i mua ake i te tuatua'anga mai ki āku, mei te pū tangi ra. Kua nā kō maira aia, “E 'aere mai ki runga ki konei, ē nāku e 'akaāri atu ki a koe i te ka tupu e tikāi i muri ake i tēia au mea.”

2Ezek 1.26-28; 10.1I reira rāi tei runga i āku te Vaerua. Ē inā, tei te rangi tēta'i terōno, ē tē no'o ra tēta'i i runga i taua terōno ra.

3Ē ko tei no'o ki runga a'o i taua terōno ra, mei te toka iasepe ē te sārido ra te tū. I tākako'ia taua terōno ra i te ānuanua mei te 'ēmeradino ra te tū.

4Ē i takapini'ia taua terōno ra e te au terōno kē e rua nga'uru mā 'ā, ē i runga a'o i taua au terōno ra 'e aronga pakari e rua nga'uru mā 'ā i te kāka'u'anga'ia i te kāka'u teatea ē ma te au korōna 'auro ki runga i tō rātou ūpoko.

5a: Exo 19.16; Apo 8.5; 11.19; 16.18; b: Ezek 1.13; c: Apo 1.4; Zek 4.2Mei kō mai i te terōno i 'aere mai ei te kōraparapa'anga uira, tēta'i au reo ē te māngūngū. I mua i te terōno e 'itu mōrī a'i tē mura ra, ko te au vaerua 'oki ia e 'itu o te Atua.

6Ezek 1.22

Ezek 1.5-10; 10.14I mua i te terōno tēta'i ngā'i mei tēta'i tai i'o, e areare tōna tū mei te toka areare ra.

Takapini i taua terōno tei tū i rotopū ra, ko ngā mea ora e 'ā ra, ē kua kī rātou i te au mata i mua ē i muri.

7Te mea ora mua, mei te liona ra tōna tū, te rua, mei te punua puakatoro, te toru, 'e mata tōna mei tō te tangata rāi, ē te 'ā, mei te 'āeto rere rāi ia.

8a: Ezek 1.18; 10.12; b: Isa 6.2,3Ē ngā mea ora e 'ā ra, 'e takiono ō rātou pē'au, ē kua kako rava ake rātou i te mata ā va'o ē ā roto. I te pō ē te ao ma te kore e vata, tē nā kō maira rātou ē:

“'E tapu, 'e tapu, 'e tapu te 'Atu, te Atua Mana Kātoatoa,

ko tei vai ana, tē vai nei ē tē 'aere mai nei.”

9Kia 'ōronga aua ngā mea ora ra i te kakā, te ngāteitei ē te 'akameitaki ki aia tei no'o ki runga a'o i te terōno, ko tei ora 'oki 'e tuātau 'ua atu.

10E tīpapa te aronga pakari e rua nga'uru mā 'ā ki mua i te aroaro o tei no'o ki runga a'o i te terōno, ka 'akamori atu ei i aia, ko tei ora 'e tuātau 'ua atu, ē ka tuku atu ei i tō rātou korōna ki mua i te terōno ra, ka nā kō atu ei:

11“'E tau i a koe, e tō mātou 'Atu ē te Atua,

i te 'āriki mai i te kakā, te ngāteitei ē te mana;

nā'au 'oki i 'anga i te au mea kātoatoa.

Kua 'anga 'ua'ia rātou ē tē vai 'ua nei rāi rātou nō tō'ou anoano.”