Apokalupo 11 - Cook Island Maori Revised New Testament(CIMRNT)

Ngā kite e rua

1 Ezek 40.3; Zek 2.1,2 Kua 'ōronga'ia mai ki āku tēta'i kāka'o mei te tokotoko vāito rāi te tū, ē kua karanga'ia mai ki āku, “Ka tū, ka vāito i te nao o te Atua ē te 'atarau, ē e tārē i te aronga e 'akamori i reira.

2Luk 21.24Auraka e vāito i te paepae i va'o ake i te nao ra, e 'akaruke atu i te reira. Kua 'ōronga'ia 'oki te reira ki te au 'ētene. Ka takataka'i rātou i te 'ōire tapu e 'ā nga'uru mā rua marama.

3Nāku e 'ōronga atu i te mana ki ngā kite e tokorua nōku ra kia toto'u rāua, i kāka'u'ia i te kāka'u pā'oa 'okota'i tauatini e rua 'ānere e ono nga'uru rā.”

4 Zek 4.3,11-14 Ko tēia 'oki ngā 'ōlive e rua ē ngā vairanga lāmepa e rua i mua i te aroaro o te 'Atu o te 'enua nei.

5Kia tīmata tēta'i i te tākinga kino mai i a rāua, e puroro mai te a'i mei roto mai i tō rāua va'a ē ka pou tō rāua au 'enemi. Kia 'akakoro tēta'i i te tākinga kino mai i a rāua kia tāmate'ia aia e tikāi.

6a: 1 Arik 17.1; b: Exo 7.17-19; c: 1 Sam 4.8'E mana tō rāua kia mōpani i te rangi kia kore te ua e topa mai i tō rāua au rā toto'u'anga ra, ē 'e mana katoa tō rāua ki runga i te au vai i te 'akariro i te reira 'ei toto ē i te pāpā i te 'enua nei ki tēta'i 'ua atu mate mē 'inangaro 'ua rāua.

7 a: Dan 7.7; Apo 13.5-7; 17.8; b: Dan 7.21 Kia oti rā tā rāua 'akakitekite'anga, e kake mai ei te puaka tā'ae mei raro mai i te va'arua takerekore ē ka tamaki mai i a rāua. Ka 'autū aia ē ka tā tākiri i a rāua.

8Isa 1.9,10Ka vao'o 'ua 'ia tō rāua kōpapa ki runga i te mataara o te 'ōire ma'ata, te ngā'i i 'akasātauro'ia ai tō rātou 'Atu. Kua 'aka'āite'ia 'oki taua ngā'i ra ki a Sodoma ē Aiphiti.

9E toru ē te 'āpa rā ka 'ākara 'ua te tangata mei roto mai i te au 'iti tangata, te au kōpū, te au reo ē te au pā 'enua i ēia ngā kōpapa mate. Kāre e 'akatika'ia i te tuku i te reira ki roto i tēta'i mēnema.

10Te aronga i no'o i te 'enua nei, e mataora rātou ē te pingapingareka i a rāua, ē ka 'apai rātou i te 'apinga aro'a tēta'i ki tēta'i, nō te mea, i tāmamae ana ēia ngā peroveta e rua i te aronga i no'o i te 'enua nei.

11Ezek 37.10E 'ope akera ngā rā e toru ē te 'āpa, kua tomo mai te vaerua ora o te Atua ki roto i a rāua ē kua tū mai rāua ki runga. Roko'ia i'ora te aronga rava rāi i kite i a rāua e te mataku ma'ata.

12 2 Arik 2.11 Kua 'akarongo atura rāua i tēta'i reo ma'ata mei te rangi mai i te nā kō'anga mai ki a rāua, “Ka 'aere mai ki runga nei.” Riro atura rāua ki runga nā roto i te tiao rangi. Tē 'ākara 'ua ra tō rāua au 'enemi i a rāua.

13Apo 6.12; 16.18I taua ora rāi 'e ngāueue'anga ma'ata tō te 'enua, 'inga i'ora te nga'uru o te tu'anga o taua 'ōire ra ki raro, ē e 'itu tauatini tangata i mate i taua ngāueue'anga o te 'enua ra. Mataku rava akera te aronga i toe ē kua 'akakakā atura i te Atua o te rangi.

14Kua 'ope te rua o te mate. Inā, tē vaitata mai nei te toru o te mate.

Te 'itu o te pū

15 Exo 15.18; Dan 2.44; 7.14,27 Kua 'akatangi i'ora te 'itu o te 'āngela i tāna pū. 'E au reo ma'ata tei runga i te rangi i te nā kō'anga mai ē, “Ko te bāsileia o te ao nei kua riro ia 'ei bāsileia nō tō tātou 'Atu ē nō tāna Mesia. Ka tūtara aia e tuātatau 'ua atu.”

16Ko te aronga pakari e rua nga'uru mā 'ā tei no'o ki runga i tō rātou au terōno i mua i te aroaro o te Atua, kua tīpapa i'ora ki raro ē kua 'akamori atura i te Atua,

17nā kō atura,

“Te 'ōronga atu nei mātou i te 'akameitaki ki a koe,

e te 'Atu, te Atua Mana Kātoatoa, ko tē vai nei ē tei vai ana,

kua 'āriki 'oki koe i tō'ou mana ma'ata ē kua 'akamata koe i te tūtara.

18 a: Sal 2.5; 110.5; b: Sal 115.13 I riririri ana te au 'iti tangata,

inārā, kua tae mai tō'ou riri

ē te tuātau e 'akavā'ia ai te aronga mate

ē e tūtaki'ia atu ei tō'ou au tāvini, te au peroveta,

te aronga tapu ē te aronga tei mataku i tō'ou ingoa,

ko tei iti ē tei ma'ata;

te tuātau katoa e tākore'ia atu ei te aronga e tākinokino nei i te 'enua nei.”

19 a: Apo 8.5; 16.18; b: Apo 16.21 Kua 'e'eu akera te nao o te Atua i runga i te rangi, ē e kitea atura te 'āruna o tāna kōreromotu i roto i tōna nao. I reira te kōraparapa o te uira, te au reo, te māngūngū, te ngāueue'anga ē te ua toka ma'ata.