Apokalupo 7 - Cook Island Maori Revised New Testament(CIMRNT)

'Okota'i 'ānere e 'ā nga'uru mā 'ā tauatini i 'akairo'ia

1 Ier 49.36; Dan 7.2; Zek 6.5 I muri ake i taua au mea ra, kite atura au e 'ā 'āngela i te tū 'ua'anga i ngā rua matangi e 'ā o te ao nei, i te tāpū'anga i te matangi e 'ā o te ao nei kia kore e 'arara ki runga i te 'enua, te tai ē te au rākau.

2Kua kite atura au i tēta'i 'āngela kē i te 'aere'anga mai mei te 'itinga o te rā, tei aia tēta'i mea 'akatāpa'o o te Atua ora. Kua kāpiki maira aia ma te reo ma'ata ki ngā 'āngela e 'ā ra tei 'ōronga'ia te mana kia tākinga kino i te ao nei ē te tai,

3Ezek 9.4,6nā kō maira, “Auraka e tākinga kino i te ao nei, te tai ē te au rākau kia 'ope rava i āku i te 'akatāpa'o i te rae o te au tāvini o tō tātou Atua.”

4Ē kua 'akarongo atura au i te ma'ata o te aronga tei 'akatāpa'o'ia mei roto mai i te au kōpū rava rāi o te au tamariki a Īserā'ela. E 'okota'i 'ānere e 'ā nga'uru mā 'ā tauatini te kātoatoa tei 'akatāpa'o'ia.

5-8Mei roto mai i te au kōpū tātakita'i o Īserā'ela e ta'i nga'uru mā rua tauatini, koia 'oki o te kōpū o Iūda, o Rubena, o Gada, o Āsera, o Nāphatari, o Manāse, o Simeona, o Levi, o Īsākara, o Zēbulūna, o Iōsēpha ē o Bēniāmina.

Te urupū tangata ma'ata mei roto mai i te au 'iti tangata rava rāi

9I muri ake i te reira, 'ākara atura au, ē inā, 'e urupū tangata ma'ata tei kore e rauka i te tatau'ia, mei roto mai i te au 'iti tangata, te au kōpū, te au tū tangata ē te au reo rava rāi. Kua tū rātou i mua i te terōno ē i mua i te Punua Māmoe, i kāka'u'ia ki te kāka'u roa teatea ma te kīkau nū tāmara i tō rātou rima.

10Kua kāpiki atura rātou ma te reo ma'ata, nā kō atura ē, “Ko te rāvenga ora tei tō tātou Atua e no'o nei i runga i te terōno, ē tei te Punua Māmoe.”

11Ē te au 'āngela rava rāi tei tū takapini i te terōno, te aronga pakari ē ngā mea ora e 'ā ra, kua tīpapa i'ora rātou ki raro ki mua i te terōno, 'akamori atura i te Atua,

12nā kō atura, “Āmene! Ko te 'akapa'apa'a, te kakā, te pakari, te 'akameitaki, te ngāteitei, te mana ē te ririnui tei tō tātou Atua ia e tuātatau rava atu. Āmene!”

13Kua ui maira tēta'i o te aronga pakari ra ki āku, “Ko 'ai mā tēia au tangata tei 'akakāka'u'ia ki te kāka'u roa teatea, ē nō 'ea mai rātou?”

14 Dan 12.1; Māt 24.21; Mār 13.19 Kua nā kō atura au ki aia, “E te 'Atu, ko koe tei kite.”

Kua 'akakite mai aia ki āku, “Ko te aronga tēia tei 'aere mai nā roto mai i te mate ma'ata. Kua tāmā ē kua 'akateatea rātou i tō rātou kāka'u i roto i te toto o te Punua Māmoe.

15Nō reira rātou e tū ei i mua i te terōno o te Atua, ē e 'akamori ei i aia i te pō ē te ao i roto i tōna nao. Ē nā tei no'o ki runga i te terōno, tei rotopū ia i a rātou 'ei pāruru.

16Isa 49.10Kāre rātou e pongi 'aka'ou, kāre katoa e kakī vai 'aka'ou, ē kāre rātou e roko'ia 'aka'ou e te veravera o te rā.

17a: Sal 23.1; Ezek 34.23; b: Sal 23.2; Isa 49.10; c: Isa 25.8Nā te Punua Māmoe 'oki i rotopū i te terōno ra e tiaki i a rātou, ē nāna e arataki i a rātou ki te au ngā'i pu'ipu'i'anga o te vai ora. Ē nā te Atua e 'ōrei i te roimata rava rāi o tō rātou mata.”