Iakobo Nō runga i tēia leta - Cook Island Maori Revised New Testament(CIMRNT)

Nō runga i tēia letaKo tēia leta nō kō mai i a Iākōbo, 'e 'akapapa'anga tuatua tēia tei 'akataka'ia mai 'ei 'āpi'i'anga nō runga i te 'akarongo 'anga'anga, tei tātā'ia nō te au tangata o te Atua tei no'o i roto i tēianei ao (1.1). E ma'ata 'ua atu te au 'akatau'anga tuatua ūmere ē te ta'u tikāi tei tātā'ia nō te 'akamārama atu i te au tū nō runga i te pakari 'anga'anga, pērā katoa te au 'āpi'i'anga nō runga i te tū o te ora'anga o te Keretitiāno.Nō runga i te tumu tuatua nō te ora'anga Keretitiāno, e ma'ata 'ua atu te au tumu manako tūkēkē tā Iākōbo i 'akataka mai, mei te tumu manako nō runga i te ora'anga 'apinganui ē te puta'ua, te ora'anga tīmata'ia, te ora'anga ta'u, te 'āviri tangata, te ora'anga 'akarongo ē te 'anga'anga, te tu'anga 'anga'anga a te arero, te pakari, te ta'u mārō, te tū ngākau parau ē te tū marū, te 'akava'a i a ēta'i kē, te 'akatietie, te 'akakoromaki ē te pure.Kua 'akatumu'ia te 'akakoro'anga ma'ata o tēia leta ki runga i te pu'apinga ma'ata te ka rauka mai nā roto i te 'akarongo 'anga'anga ē, kia tā'anga'anga pakari'ia te reira i roto i te 'akamori'anga a te Keretitiāno.Te 'akano'ono'o'anga o tēia leta1. Te aro'a'anga 1.1-22. Te 'irinaki'anga ē te pakari 1.2-83. Te ngere ē te 'apinga nui 1.9-114. Te au tīmata'anga 1.12-185. Te 'akarongo'anga ē te 'ākono'anga 1.19-276. 'Akamatakite'anga i te piripiri'anga tangata 2.1-137. Te 'akarongo ē te 'anga'anga 2.14-268. Te arero 3.1-189. Piri'anga 'oa ki te ao nei 4.1—5.68. Te au 'akakite'anga tūkēkē 5.7-20