2 Timōteo Nō runga i tēia leta - Cook Island Maori Revised New Testament(CIMRNT)

Nō runga i tēia letaI roto i te rua o tā Paulo leta ki a Tīmōteo, 'e ma'ata atu te au 'akairo o tō rāua piri'anga taeake. Ko Tīmōteo, kua 'āite ia mei te “tamaiti 'akaperepere” nā Paulo, ē tē tā'iku tinamou nei a Paulo i a Tīmōteo i roto i tāna au pure (1.2,3), nō te mea, tē 'inangaro nei rāi aia i a Tīmōteo kia riro 'ei toa tikāi nō te Mesia ra nō Iēsū ma te 'āriki i te au mate (2.1-3). Tē tā'iku nei rāi a Paulo i te ingoa o tō Tīmōteo metua va'ine ē te tupuna va'ine, ē tē 'akama'ara nei aia i a Tīmōteo ē, kua tuku aia i tōna rima ki runga i a Tīmōteo 'ei 'akairo tūkē nō te tauturu a te Vaerua i tāna 'anga'anga.Kua tāpikipiki tēta'i pāpāki ē, nō te 'Atu rātou, ē kua mou takere rātou i roto i te 'ere'ere a te Tiāporo. Tē 'akamatakite nei a Paulo i a Tīmōteo, kia 'āriu kē atu mei taua au tīmata'anga ra te ka 'aka'inga putuputu i te au tangata 'ōu (2.20-26—3.1-9). Tē 'akakite nei aia ki a Tīmōteo kia tāmou rāi i te tūtū 'aere i te karere a te 'Atu, noa atu ē, kāre e mareka'ia mai e te ma'ata'anga o te tangata (4.2). Tē 'akamatakite katoa nei aia i a Tīmōteo i te au pū'āpi'i tei 'āpi'i atu i te 'āpi'i'anga tārevakē (4.3-5).Tē nakiro nei a Paulo ē, tē vaitata mai nei te 'ati'anga o tōna mate'anga nō tōna 'akarongo 'oki, kua vai'o'ia rā te korōna tuatua tika nōna (4.6-8).Tē 'akama'ara nei a Paulo ki a Tīmōteo i tēia karere mou: “Mē kua mate tātou ma ia katoa, ka ora rāi tātou ma ia katoa. Mē tē 'akakoromaki nei tātou, ka 'aka'aere rāi tātou ma ia katoa” (2.11-12).Te 'akano'ono'o'anga o tēia leta1. Te aro'a'anga 1.1-22. 'Akameitaki'anga ē te 'akamāro'iro'i'anga 1.3-183. Te toa tikāi o Iēsū Mesia 2.1-264. Te kino o te au rā 'openga 3.1-95. Te au ako'anga 'openga 3.10—4.86. Ēta'i tuatua taeake ē te ve'eve'e'anga aro'a 4.9-22