1Ko te tangata tātakita'i tei 'irinaki ē ko Iēsū te Mesia, 'e tamaiti ia nā te Atua; ē ko te tangata tei aro'a i te metua, ka aro'a katoa aia i tāna tamaiti.
2Ko te mea tēia 'e mārama ei tātou ē, tē aro'a nei tātou i te tamariki a te Atua, koia 'oki, kia aro'a tātou i te Atua ē kia 'ākono i tāna au 'akaue'anga.
3Ioa 14.15Ko tēia 'oki te aro'a o te Atua, kia 'ākono tātou i tāna au 'akaue'anga. Kāre 'oki tāna au 'akaue'anga i te mea teima'a,
4nō te mea, tā te Atua i 'ānau ra, tē 'akavī nei ia i tēianei ao. Tēia 'oki te mea e 'akavī'ia ai tēianei ao, ko tō tātou 'akarongo.
5Ko 'ai tei 'akavī i tēianei ao? Māri rā ko tei 'irinaki ē ko Iēsū te Tamaiti a te Atua.
Te 'akakite'anga nō runga i te Tamaiti6Ko Iēsū Mesia 'oki tei 'aere mai ma te vai ē te toto, kāre ma te vai anake ra, ma te vai rā ē te toto. Ko te Vaerua 'oki tei riro 'ei kite, nō te mea, ko te Vaerua ko te tuatua mou ia.
7E tokotoru 'oki tei riro 'ei au kite:
8ko te Vaerua, ko te vai ē te toto, ē nō tēia tokotoru nei, tē 'okota'i nei tā rātou 'akakite'anga.
9Mē tē 'āriki nei 'oki tātou i tā te tangata nei 'akakite'anga, 'e ma'ata atu rāi tā te Atua 'akakite'anga. Ko tēia 'oki 'ei 'akakite'anga Atua ia, tāna i 'akakite mai nō runga i tāna Tamaiti.
10Ko tei 'irinaki i te Tamaiti a te Atua ra, tei roto i aia 'ua'orāi tēia 'akakite'anga. Ko tei kore rā i 'irinaki i te Atua, kua 'akariro i aia 'ei pikika'a, nō te mea, kāre aia i 'āriki i te 'akakite'anga a te Atua nō runga i tāna Tamaiti.
11Ioa 3.36Ko tēia 'oki te 'akakite'anga: kua 'ōronga mai te Atua i te ora mutukore ki a tātou, ē tei tāna Tamaiti 'oki taua ora ra.
12Tei aia te Tamaiti ra, tei aia rāi te ora; ē kāre i aia te Tamaiti a te Atua ra, kāre rāi tei aia te ora.
Te ora mutukore13Tē tātā atu nei au i tēia au mea ki a kōtou tei 'irinaki i te ingoa o te Tamaiti a te Atua, kia kite kōtou ē, kua rauka i a kōtou te ora mutukore.
14Tēia 'oki e 'akapāpū ki a tātou i mua i aia ē, mē pati tātou i tēta'i mea tei tau i tōna anoano, ka 'akarongo mai aia i a tātou.
15Ē mē tē kite nei tātou ē, ka 'akarongo mai aia i tā tātou i pati ra, tē kite katoa nei tātou ē, kua rauka mai rāi tā tātou i pati ki aia ra.
16Mē kite tēta'i tangata i tōna taeake ē, tē rave ra i te 'ara ē kāre i te mea mate ia, e pure aia ki te Atua kia 'ōronga mai i te ora nōna. Ko tēia pure 'oki nō te aronga anake tei rave i te 'ara ē kāre i te mea mate ra. Tē vai rā 'oki te 'ara te ka riro 'ei mea mate, kāre rā au e karanga atu ē, e pure nō te reira.
17Te au 'anga'anga tikakore kātoatoa 'e 'ara te reira. Tē vai nei rā te 'ara, e kāre ia i te mea mate.
18Tē kite nei 'oki tātou ē, ko te tangata tā te Atua i 'ānau ra, kāre ia e rave i te 'ara. Nā te Tamaiti 'oki a te Atua e 'ākono i aia, ē kāre rava e rauka i te Mea Kino i te rave i tēta'i kino ki aia.
19Tē kite nei 'oki tātou ē, nō te Atua tātou, ē ko tēianei ao kātoatoa tei roto ia i te mana o te Mea Kino.
20Kua kite tātou ē, kua 'aere mai ana te Tamaiti a te Atua ē kua 'ōronga mai aia ki a tātou i te mārama kia nakiro tātou i te Atua mou. Tei roto rāi tātou i te Atua mou, i roto i tāna Tamaiti, ko Iēsū Mesia. Ko ia te Atua mou ē te ora mutukore.
21E aku au tamariki ra, e 'akaātea mai i a kōtou mei te au 'ītoro ra.
Who We AreWhat We EelieveWhat We Do
2025 by iamachristian.org,Inc All rights reserved.
